Estimadas familias:
O próximo 25 de novembro conmemórase o Día Internacional da Eliminación da Violencia contra a Muller. Con motivo desta importante data, o noso colexio realizará unha serie de actividades para sensibilizar e concienciar ao alumnado sobre esta problemática.
Detalles do evento:
- Data: 25 de novembro
- Hora: A partir das 09:00 horas
- Lugar: Aulas e Hall exterior do colexio
Actividades programadas:
1. Campaña de vacinación contra a violencia de xénero: Realizarase unha campaña simbólica de vacina a todo o alumnado do centro.
2. Camiño de zapatos: Construción dun camiño simbólico de zapatos de muller ou nena baixo o lema " 25N Semprevivas" referidas tamén ás flores ou plantas. Para esta actividade, solicitamos a vosa colaboración.
3. Exposición de libros relacionados coa celebración na BE.
4. Lectura dramatizada na Biblioteca.
5. Elaboración dun mural/panel co lema 25N Semprevivas.
Solicitamos a vosa colaboración:
Para levar a cabo o camiño de zapatos, necesitamos que cada alumna ou alumno traia unha zapatilla blanca ou zapato de muller, preferentemente de cor morado. No caso de non dispoñer desa cor, pintaremos o calzado de morado. Necesitamos tamén un flor de semprevivas para poñer un ramiño en cada zapato. Día 18 luns para comezar coa actividade.
Agradecemos de antemán a vosa participación neste acto simbólico de sensibilización.
Este evento pretende ser unha reflexión colectiva e un paso máis cara á erradicación da violencia contra as mulleres. Contamos con todas e todos vós para lograr un ambiente de convivencia máis respectuoso e seguro para todos.
Agradecendo a vosa colaboración, recibide un cordial saúdo.
Comisión de Convivencia, Equipo de Biblioteca e todo o profesorado do centro.
