En 1995, a UNESCO proclamou o 23 de abril «Día Mundial do Libro e do Dereito de Autor». A celebración deste Día, que suscita cada vez máis adhesións, deixou claro desde o principio cuán importante ocasión supón para reflexionar e informar sobre un tema que require especial atención.
Hoxe celébrano millóns de persoas de máis de cen países, reunidas en centenares de asociacións, escolas, organismos públicos, colexios profesionais e empresas privadas.
O Equipo da Biblioteca convida ás familias do alumnado do centro a vir contar un conto na hora de ler (de 11:50 a 12:10) entre o luns 24 e o venres 28 de abril.
A idea é festexar o "Día Internacional do Libro Infantil e Xuvenil" (2 de abril) e o "Día Internacional do Libro" (23 de abril) con contos que nos veñades a contar, a representar, a cantar, a ler...
O Día Mundial do Teatro foi creado en 1961, aínda que a súa primeira celebración oficial tivo lugar o 27 de marzo do ano seguinte. Desde entón, os centros, os/as profesionais, as organizacións, as universidades teatrais e os/as amantes do teatro quixeron render a súa homenaxe particular a esta preciosa forma de expresión. Ademais, neste día pretenden concienciar aos gobernos e ás institucións do valor que o teatro pode achegar á cidadanía.
Entre o 6 e o 10 de marzo estamos a celebrar a 29º edición da Semana da Prensa na Escola, unha iniciativa instituida oficialmente dentro do calendario escolar en 1989, convertindo a prensa nun elemento pedagóxico máis, fomentando a súa lectura e desenvolvendo así o sentido crítico do alumnado.
Durante a hora de ler do martes día 21 de feberiro o alumnado de 6º foi recitar poemas de Rosalía de Castro ao resto dos cursos de Infantil e Primaria.
Ademais, inaugurouse a exposición de traballos realizados sobre Rosalía de Castro.
Xa temos todo preparado para celebrar o Día de Rosalía de Castro que este ano imos adiantalo un pouquiño para que non coincida coa celebración do Entroido.
Na Biblioteca temos libros moi interesantes sobre a obra e a vida desta xenial escritora e poeta. Durante estes días poderemos escoitar no recreo varios poemas interpretados por Uxía, do libro Rosalía pequeniña.
O vindeiro mércores 21 de decembro ás 18.00h, terá lugar na Biblioteca Pública Municipal de Baiona unha nova sesión de conta contos. Para nenos/as de 3 a 6 anos.
Entrada de balde ata completar aforo.
O Nadal é festa de mais tradición familiar por excelencia, con ese motivo, nesta ocasión o fío condutor dos relatos do noso conta contos é a familia.
Aproveitamos esta ocasión para desexarte un bo nadal e feliz aninovo. Unha perta !!!
O pasado día 26 de outubro e co gallo da celebración do Día da Biblioteca Escolar, pedímoslle a Mª José, a nai de Adrián de 4º, que viñera a contarnos un conto.
A verdade é que llo puxemos díficil pois lle pedimos que fora unha historia que falara de pantamas e espíritus que nos dera un pouquiño de medo, xa que case estabamos en Samaín. E mirade que ben o fixo!