A convocatoria de axudas para a adqusición de libros de texto foi publicada no DOG do día 31.05.2013. O prazo de entrega da documentación é dende o día 3 de xuño ata o día 3 de xullo ambos incluidos. Podedes descargar a orde, a solicitude e a nota informativa nos seguintes enlaces:

- Orde do 30 de maio de 2013

- Solicitude (Anexo I da Orde)

- Nota informativa

Os días xoves 23 e venres 24 de maio terán lugar as probas da avaliación de diagnóstico para os alumnos/as de 4º de Primaria que seguirán a seguinte orde:

XOVES:

- Competencia matemática, duración de 60 minutos

- Descanso, duración de 20 minutos

- Competencia no coñecemento e na interacción co mundo físico, duración de 60 minutos

VENRES:

- Competencia en comunicación lingüística, duración de 60 minutos

- Descanso, duración de 20 minutos

- Cuestionario de contexto, duración de 45 minutos

As familias tamén terán que cubrir un cuestionario que levarán os alumnos/as o venres e que teñen que devolver como moi tarde o mércores.

Os días 30 de abril, o 7 e 14 de maio contamos no colexio coa presenza de Salvador Forján, técnico do Centro Dramático Galego, para realizar a actividade "Todo teatro" na que ensinou ao alumnado de infantil e de 1º,2º e 3º de primaria tódolos segredos do teatro: como se fan e manipulan os monicreques, a importancia da luz, os micrófonos... Tamén nos falou sobre o dramaturgo Roberto Vidal Bolaño, a quen se lle adica este ano o Día das Letras Galegas.

Moitísimas grazas a Salvador por ensinarnos o teatro "por dentro", polo seu esforzo, a súa pacencia e por ser tan divertido. Moitas grazas, Salvador.

           ROBERTO VIDAL BOLAÑO  

Nado en Santiago de Compostela o 31 de xullo de 1950 e falecido na mesma cidade o 11 de setembro de 2002, foi un autor, director e actor de teatro galego, pioneiro da dramaturxia profesional en Galicia. No ano 2013 adícaselle o Día das Letras Galegas.
Este é o cartaz que realizaron alumn@s de 6º de Primaria do noso centro.

O día 26 de abril o alumnado de 4º de primaria fixo unha saída a Santiago de Compostela pra asistir a un concerto didáctico e tamén para visitar o Museo Pedagóxico de Galicia e poder comprobar como eran as escolas antigas e o material do que dispoñían os mestres e estudantes naquel tempo.