Xa tedes dispoñible o resumo de actividades que se levaron a cabo na Semana das Letras Galegas neste curso escolar.

Grazas a todo o alumnado e familias que participáchedes destas actividades.

Neste primeiro vídeo podedes ver un resumo da obra teatral realizada pola aula de 5º de educación infantil sobre a vida e obra do autor Francisco Fernández del Riego, momentos da realización do mural de Laura Romero "Mulleres Galegas Ilustradas" e entrevista na radio; por outra banda a exposición e lectura no patio dos Minilibros elaborados polo alumnado. Por último, veredes o derradeiro momento, co acto final, onde familias, rapazada e profesorado do colexio cantaron, acompañados do son de gaitas, o himno galego.

Este segundo vídeo recolle a actividade "O galego dá moito xogo", realizada nas sesións de educación física e psicomotricidade.

Por último deixamos o produto final do mural de Mulleres Galegas Ilustradas de Laura Romero, xunto cun enlace ao podcast da entrevista, que o alumnado de 6º de educación primaria lle realizou nese día, dende a nosa radio escolar "Radio Cabanas".

http://www.edu.xunta.gal/centros/ceipeladiamarino/node/689

Grazas ao Concello de Cabanas e a ANPA o Castiñeiro pola súa colaboración nestas actividades.

Dende o equipo de EDLG, deixamos un enlace ao Blogue Dálle á lingua, do Eladia Mariño, onde podedes ver un resumo das distintas actividades realizadas durante o curso escolar relacionadas co fomento do uso do galego no centro:  https://eladiadallealingua.blogspot.com/

Podedes ver nestes dúas presentacións as actividades que se fixeron no centro nesta Semana do Libro 2023.

No primeiro deles, podedes adiviñar cal é o libro favorito de cada nena ou neno do noso colexio, e tamén, buscarvos entre as imaxes.

Grazas por tan alta participación.

O segundo dos vídeos,  foi elaborado polo alumnado de 4º e 6º de primaria, onde nos explican á perfección cal é o proceso de elaboración dun libro. 

De seguro, disfrutaredes moito co marabilloso traballo que fixeron.

A continuación...COMO SE FAI UN LIBRO.

As nenas e nenos do Eladia berran NON ao acoso escolar. 

Como nos recorda o rap de El Langui:

LA FUERZA DEL VALIENTE ESTÁ EN EL CORAZÓN

A  ANPA "O Castiñeiro" ten preparado para un mes de xuño unha morea de actividades.

Podedes velas a continuación.

O alumnado de 3º de Educación Primaria, beneficiario de axudas no curso 2022/2023 está obrigado a devolver todos os libros comprados coa dita axuda, no centro, antes do 21 de xuño.

A non devolución dos libros é causa de exclusión do fondo solidario de libros e da convocatoria de axudas. Ademais, unha vez revisada a información das devolucións a consellería reclamará ás familias o importe da subvención concedida para este curso para todos aqueles casos nos que non conste a devolución dos libros adquiridos con cargo ao vale.

Para evitar agrupacións de persoas no centro educativo propoñemos o seguinte plan para a devolución dos libros de texto:

Na semana do 12 ao  16 de xuño o alumnado irá deixando os libros na aula, onde a titora fará un reconto dos libros devoltos. Logo do reconto, os días 20 e 21 de xuño, desde a dirección do centro poñerémonos en contacto con aquelas familias ás que lles quede algún libro por entregar.

Calquera dúbida, podedes consultar na secretaría do centro.

Dende hoxe tedes dispoñible nos seguintes enlaces o listado de material escolar e de libros de texto para o vindeiro curso 2023-2024.