Bos días a todos:
Estes días estamos a pasar por momentos complicados confinados todos nas nosas casas. Quero darvos moitos ánimos a todos e que tratedes de levar estas semanas o mellor posible.
En canto ao traballo para os nenos de 1º, o xoves levaron para casa os libros coas páxinas marcadas para traballar durante estes 15 días. Se esta situación se alonga no tempo irei mandando algunha cousiña máis.
Ademáis pídovos que leades todos os días un pouquiño cos vosos fillos para ir afianzando a lectura xa que van ser moitos dias sen asistir a escola. Podedes ler contos que teñades na casa, o importante é que lean todos os días un pouquiño. Colgo tamén unhas fichas de lectura por si queredes descargalas e utilizalas para ler cos nenos. Son as que estamos utilizando na aula.
Tamén subo algunha ficha de repaso para reforzar os contidos que lles mandei aos nenos nos libros para que poidades imprimir na casa. A calidade non é moi boa debido a que están escaneadas do libro.
Os mestres especialistas (música, inglés, educación fisica,...) tamén irán enviando por abalar ou polos respectivos blogues os traballos a realizar polos nenos. A estes blogues podedes acceder dende esta páxina web ou dende o blog da biblioteca do cole.
Rogo que os pais/nais que non teñan a aplicación abalar descargada que o fagan na medida do posible posto que vai ser o medio de comunicación que se vai utilizar coas familias a partir de agora e para esta situación en particular, xunto coa páxina web e os distintos blogues do centro.
Un saúdo e moito ánimo a tod@s!!
