Este ano, como novidade, unha representación do IES deMos, veu pedir o aguinaldo ao noso cole. E démoslles o aguinaldo, pois desfrutamos moito con eles! Para o ano máis!

Para conmemorar o Día da Paz, este ano escollimos a canción "Amigos para siempre", de Andrew Lloyd Webber e letra de Don Black, que foi interpretada nos xogos olímpicos de Barcelona por José Carreras e Sara Brightman, e   popularizada no noso país por Los Manolos. O que fixemos foi unha tradución ao galego, e apoiándonos dunha base instrumental, gravamos as voces do noso alumnado, cantando en galego e en inglés. O resultado foi marabilloso.

No seguinte enlace podedes escoitar a canción para conmemorar o 25 de novembro que preparamos e gravamos na escola, co alumnado de 5º e 6º. A letra é un poema de Lupe Ces, mestra de Caranza moi comprometida co movemento feminista dende hai moitos anos, e a música foi feita para a ocasión pr Raquel, a mestra de Música da nosa escola. Queremos agradecer, tamén a aportación da guitarra de Luis Lechuga, mestre de Música no IES Alonso Ríos de Tomiño. Esperamos que vos guste e que axude a abrir moitas xanelas.

No seguinte enlace poderedes ver o vídeo que fixemos coa música de Medomedá, de Magín Blanco, coas ilustracións realizadas co alumnado de 1º e 2º nas que mostran os seus medos. Ademais, na clase de Plástica, o alumnado de 3º realizou unhas situetas relacionadas co Samaín que tamén incluímos neste vídeo. Esperamos que o desfrutedes.

Para conmemorar o Día de Rosalía, que se celebra o 23 de febreiro, co alumnado de 3º e 4º, na aula de Música, traballamos a canción "Has de cantar", incluída no disco de Rosalía pequeniña, con música de Uxía, e letra da propia Rosalía. No seguinte enlace, poderedes ver o vídeo que fixemos a partir das ilustracións feitas polo alumnado de 3º e 4º de primaria. Esperamos que o disfrutedes.