Bo día alumnado e familias!
Estes días continuaremos coa actividade lectiva de xeito telemático, polo que vos recomendamos estar pendentes das novidades que poidamos ir deixándovos dende a páxina web do centro.
Nos arquivos adxuntos atoparedes a actividade do día de hoxe, que nalgúns casos xa resume as tarefas a realizar durante a semana completa.
No caso do alumnado de 3º de Educación Primaria deberá repasar os contidos xa dados, e realizar tarefas de reforzo daquela materia impartida na titoría, facendo especial fincapé na práctica da división. Deberán realizar as fichas que foran entregadas pola titora para o repaso dos exames. No que respecta ás Ciencias Sociais, repasarase o relevo de España: ríos, cordilleiras, mares, océanos, arquipélagos... Nas Ciencias Naturais é importante traballar os contidos dos materiais e a materia. Por último, nas linguas, farase especial fincapé no repaso dos determinates. Para as outras asignaturas atoparedes a información nos arquivos aquí subidos.
O alumnado de 4º de Primaria accederá arriba a dereita á Aula Virtual (http://www.edu.xunta.gal/centros/ceipcunqueiro/aulavirtual/) e entrará ao curso coas claves que lles foron facilitadas. O acceso como convidado tamén é posible coa clave "cuarto".
Por outra banda, queremos ser partícipes do Proxecto "Desde mi ventana", que serve para facer os días máis levadeiros dende a casa. A idea consiste en facer un cartel con un arcoiris que conteña a mensaxe "Todo sairá ben", ou algunha mensaxe de agradecemento ao persoal sanitario. Estes carteis poderán ser impresos ou debuxados, e colgaranse nas ventás das vivendas ou terrazas. Así, cando un neno/a doutro edificio se asome á súa fiestra, verá que hai outro neno ou nena pasando a mesma situación ca el nos edificios das ventás decoradas. Deixamos tamén uns modelos que poderán ser descargados, ou, se o preferides, podedes deseñar o voso propio. Unha vez feitos poderedes compartilos a través da nova páxina de facebook: CEIP ÁLVARO CUNQUEIRO MORA - MONDOÑEDO.
Un saúdo!
