Queremos estar sans.
Sitio: | Aula Virtual CEIP de Corvillón |
Curso: | Titoría 2º de Primaria 2020/21 |
Libro: | Queremos estar sans. |
Impreso por: | Usuario convidado |
Data: | domingo, 20 de outubro de 2024, 1:35 AM |
Que é estar san?
Estamos sans cando o noso corpo funciona ben e podemos realizar sen problemas as nosas actividades cotiás.
Cando o noso corpo non funciona ben, sentímonos mal e dicimos que estamos enfermos/as.
Unha persoa enferma pode sentir dor, febre, mareo, perda de apetito,...
Curamos.
Cando estamos enfermos, debemos acudir ao centro de saúde e seguir as recomendacións do médico.
O médico pódenos receitar algún medicamento. Os medicamentos axudan a curar algunhas enfermidades. Pero só se deben tomar cando os receita o médico.
Para axudarnos a manternos sans, debemos seguir uns hábitos saudables:
COIDAMOS A NOSA SAÚDE
Manter a hixiene.
Antes de comer hai que lavar as mans e despois, os dentes. Tamén hai que ducharse a diario.
Facer exercicio.
O exercicio físico fortalece os ósos e os músculos e achega moitos outros beneficios para a saúde.
Hábitos saudables.
Durmir o necesario.
Os nenos e as nenas de Primaria deben durmir unhas dez horas para comezar o día descansados.
Coidar a postura.
Manter posturas axeitadas axuda a coidar os nosos ósos e músculos, sobre todo os do lombo.