A primeira proposta de novos libros no buzón de suxestións foi o libro "Sonríe" de Raina Telgemeier. Escritora californiana.

Trátase dunha historia verídica dunha moza que tropeza e rompe uns dentes. O feito de non poder sorrir por este motivo, faille perder o sorriso... pero mellor propoñémosvos ler o libro.

Unha novela gráfica en forma de cómic.

Grazas ao alumn@  que fixo esta proposta.

Durante esta semana celebramos o Samaín cargado de actividades.

Aquí deixamos  unha pequena mostra  de cada unha delas.

PREME NA IMAXE PARA PODER VER O VÍDEO

Aqui tedes un vídeo do noso Photocall de Samaín.

Aínda queda tempo para modificar algunha estantería e recuncho da biblioteca, pero nada sería posible sen a colaboración do alumnado de 5º e 6º de Educación Primaria.

Colaboran nos recreos e mostran un interese especial polas novas actividades propostas.

Axudaron a colocar, a escoller novos contos e libros, a dar as súas suxestións.

Ademáis dende a biblioteca promovemos o reciclaxe de fondos e contamos coa colaboración de Otero Regal, que recolleu moitos exemplares que non se estaban a utilizar na biblioteca, por medio de Anxo e Xoán de 4º de Primaria e a súa nai.

Tamén escolleron libros para levar ao Seminario de Terras de Viveiro por medio de Vicente Míguez, antigo mestre do colexio. Julia de 6º de Educación Primaria levou fondos audiovisuais para Cáritas de Celeiro,...moitos nen@s levaron dvds e cada nen@ do centro levou un exmplar para a súa casa.

Cada persoa que veu contar un conto, anécdota,...levou tamén de agasallo un libro.

Unha mellor  vida útil para cada un destes fondos.

GRAZAS E MÁIS GRAZAS A TOD@S

Xa estamos inmersos nas novas actividades de Samaín.

Cada curso empezou a preparar diferentes  manualidades e que durante esta semana estivemos colocando na biblioteca.

Toda unha morea de traballos variados e didácticos que nos permiten ir comprendendo a orixe do Samaín.

PREME NA IMAXE PARA PODER VER O VÍDEO.

Durante esta semana estamos celebrando o Día das Bibliotecas Escolares.

Houbo tanta participación de pais, nais, veciños, antigos mestres,... que decidimos adicar a semana completa a esta emotiva actividade.

Poñemos aquí unha pequena mostra do esforzo que todas estas persoas adicaron a sacar un sorriso ao alumnado deste centro.

Realmente estámolo pasando en grande coas vosas propostas: teatros de guiñol, libros, contos, presentacións,...

Miles de grazas familias!!!

PREME NA IMAXE PARA PODER VER O VÍDEO

Continúamos  coas xornadas de familia-escola con diferentes actividades: contar contos, elaboración de doces e bonecas, explicar anécdotas e lendas. 

Estamos sentindo un ambiente entrañable con cada unha destas actividades. 

De novo, mil grazas!!!

Preme na imaxe para poder ver o vídeo

Hoxe todo o alumnado do CEIP de Celeiro desfrutou duns obradoiros da Escola Galega de Consumo para celebrar un Samaín sen medos e exento de perigos.

Os obxectivos destes obradoiros eran:

Advertir sobre os principais riscos nos disfraces, complementos e artigos de Samaín.

Dar a coñecer as normas de etiquetado destes produtos.

Divulgar a actuación da inspección de consumo e do Laboratorio Galego do Consumo.

O alumnado de 3º e 4º de Educación Primaria realizou unha viaxe cultural a Mondoñedo.

Visitaron a Casa-Museo de Alvaro Cunqueiro, o Museo da Imprenta e asistiron a varios obradoiros manipulativos de Monicreques e Alfar.

Pasámolo en grande!!!

PREME NA IMAXE PARA PODER VER O VÍDEO

Laura e Dylan de 3º de EP, Matías e Adriana de 4º de EP, Mateo e Paula de 5º de Ep e Julia e Hugo de 6º de EP, fixeron a presentación da biblioteca ao resto do alumnado do centro.

Fixéronno xenial!!!. Explicaron o funcionamento, os espazos, as normas, repartiron as Mochilas Viaxeiras e o resto de alumnado atendeu a todas estas explicacións.

Foi unha experiencia moi fermosa!!!

PREME NA IMAXE PARA PODER VER O VÍDEO

Hoxe todo o alumnado de primaria  do CEIP de Celeiro participou nunha xornada de limpeza simultánea de praias en colaboración con ADEGA e coa gran axuda que sempre nos brinda a Asociación Pratodo.

Sabemos que un dos grandes problemas da nosa sociedade é o plástico que acaba en pequenos anacos polas praias e os mares e que termina en moitas ocasións no interior dos peixes, e polo tanto, nas persoas.

Participamos e concienciamos ao noso alumnado da importancia de que  ter uns mares sen plástico é ter uns mares con vida.

Podemos ver o vídeo que resume o noso día.