O alumnado de 6º de EP participou no programa de RadioVoz Ecopreguntoiro ao longo deste curso.

Conseguimos pasar a primeira fase do concurso, pero elimináronnos na segunda rolda.

A semana pasada todos os colexios participantes fomos convidados á xornada que Radiovoz celebrou no aquapark de Cerceda. O día non acompañou pero a pesar do vento e o frío, o alumnado aproveitou todo o que puido.

Esta semana o departamento de Educación física organizou para o  alumnado de 5º e 6º unha xornada de praia e iniciación ao surf.

Acercámonos ata a praia de Esteiro en Xove para iniciarnos neste deporte que tanto lles gustou. Todo un éxito.

 O Imperio Romano. Hoxe os nenos e nenas de 2º de Primaria expuxeron ao resto do alumnado de primaria este proxecto sobre o que levaban traballando nos últimos meses. Fixeron un percorrido por parte da historia de Roma e a súa pegada na nosa civilización actual. 

Levaron a cabo un traballo espectacular!

Este xoves 13 de xuño, o alumnado de 3º e 4º de EP ivisitou O Centro de Formación para o Consumo de Vegadeo e a Granxa Escola "Ría del Eo".

En Vegadeo aprendimos a comprar dun xeito máis ecolóxico e fixemos unha manualidade con material de refugallo. Tiñan preparada unha tenda na que puidemos comprar os nosos productos tendo en conta os envases nos que veñen envoltos e facelo dunha forma máis sostible. Foi unha experiencia moi educativa que acompañamos cun pequeno tentempé de media mañá nun entorno natural precioso. Gracias Montse pola atención e pola túa amabilidade.

En Castropol pasamos unha tarde de actividades completa na Granxa Escola "Ría del Eo": escada, visita aos animais da granxa, equitación, karting e xogos variados. Tomamos a merenda e comimos un rico xeado!!!.  Grazas aos monitores e coordinador  que nos trataron tan ben e cos que aprendimos tantas curiosidades dunha granxa.

PREME NA IMAXE PARA PODER VER O VÍDEO

Durante estes días de finais de curso estamos inmersos nunha morea de actividades. Especialemnte para conmemorar o Día do Medio Ambiente e o Día dos Océanos.

Nesta ocasión contamos coa visita da Serea Piscis, Antonia Sánchez González, que é, entre outras disciplinas: Instructora da Federación Española de Actividades Subacuáticas (FEDAS), Instructora  Nacional de buceo autónomo, de Salvamento e Rescate, de Interpretación de Patrimonio Histórico Sumergido, de Sereas,... e que nos fixo pasar unha mañá extraordinaria, contando contos de sereas e de coidado do medio mariño. Nesta xornada tamén  realizamos unha limpeza de microplásticos na praia.

Onte acompañáronos tamén monitoras de Porto de Celeiro para ensinarnos o que debemos facer cada un de nós para coidar o mar e tamén contamos coa presenza de Eduardo Míguez, director adxunto de Porto de Celeiro e que  agasallou a todo o alumnado cunhas gorras.

Non menos importante foron as actividades realizadas por PratoDo, con actividades divertidas para coidar a contorna e como non, os mares.

GRAZAS A TODXS.

Hoxe celebramos O Correlingua. Unha actividade  na que se pretende potenciar o uso do galego.

Nesta ocasión viaxamos ata Burela, xunto con outros moitos centros educativos da Mariña-Ortegal. Percorrimos as rúas e asistimos a  actividade que tivo lugar na  Praza da Mariña cunha gran  Festa final. A presentación estivo  a cargo de Fran Rei e bailamos e escoitamos a actuación de Cuarta Xusta e Paco Nogueiras.

Pasámolo xenial!!!

Este xoves pasado celebramos Os Maios, festividade que conta con gran tradición en Viveiro e parte de Galicia e que trata de dar a benvida á primavera, o bó tempo e as flores. Aínda que nesta ocasión o tempo meteorolóxico non nos permitiu sair desfilando ata a Praza do Chao e tivemos que celebralo no ximnasio.

Os maios é unha festa de tradición prerromana que xa celebraban os celtas e desde o noso centro, queremos facer partícipe ao alumnado da nosa cultura para  axudar a que non se perda e involucrándoos desde pequenos. 

Mañá, 17 de maio de 2024, será homenaxeada pola Real Academia Galega,  Luísa Villalta Gómez no Día das Letras Galegas 

Nada na Coruña o 15 de xullo de 1957 e finada na mesma cidade o 6 de marzo de 2004, foi unha escritora, filóloga e violinista galega. Escribiu poesía, teatro, narrativa de ficción, ensaio, articulismo e tradución.

 "celebrámoste desde a complexidade da épica ao publicismo, deste ti, desde o teu pensar, lúcida e comprometida, destacando dela que foi a "creadora dunha obra singular e sólida que a converteu nunha das grandes figuras da literatura galega que emerxeron na segunda metade dos anos 80 e primeiros 90". Esta proposta estivo encabezada pola tamén escritora Ana Romaní e respaldada por Chus Pato, Marilar Aleixandre, Fina Casalderrey, Margarita Ledo Andión, Manuel Rivas, María López Sández, Euloxio R. Ruibal, Dolores Sánchez Palomino, Manuel González González e a xa mencionada Ana Romaní.

No colexio fixemos unha pequena homenaxe en forma de "caricaturas" e libriños da súa obra.

O venres pasado tivo lugar a clausura da Microrrede 2024 coa Coral Polifónica Alborada de Viveiro e o alumnado do CEIP de Celeiro.

Unha marabilla de actuación!

Grazas Marta Pérez Lage por seguir contando cos nenos e nenas do noso colexio.

Hoxe o alumnado de 3º de EP tivo unha visita moi especial. Para o día da Muller deste curso elixiron a unha muller moi relevente no campo da investigación oceanográfica. Foi a primeira científica nun buque de investigación internacional. Unha apaixoada do océano, sen embargo dedicidiu especializarse nos osrganismos máis diminutos que acolle: o plancto.

Hoxe en día o buque que capitanea José Manuel Guerreiro Escourido,  e que leva o nome desta muller, segue surcando as augas en busca de novas mostras que nos axuden a coidar e protexer os nosos mares e océanos.

Foi un día moi emotivo para toda a clase, ensionounos  a interpretar unha carta náutica, a entender o duro do seu oficio traendo un sextante,  un instrumento de medición, que permite determinar a posición dunha embarcación no océano, mediante a observación dos astros e que era o único medio que había antigamente  para poder orientarse na navegación. Ademáis poidemos ver moitas imaxes do seu traballo e dos científicos que os acompañan. Tamén trouxo un diploma precioso para cada neno e un libro adicado para a nosa mestra.

Só queremos agradecerlle a  Jose,  a exposición que nos fixo, tan emotiva e formativa  e a súa tripulación e cientícos, o traballo que desenvolven.

 PREME NA IMAXE PARA PODER VER O VÍDEO