Esta semana celebramos a chegada da primavera amosando a creatividade do alumnado de 1º e 2º, a través dunha actividade interdisciplinar de lingua inglesa e expresión plástica e visual.
Colorear aporta diferentes beneficios ao desenvolvemento dos nenos e nenas fortalecendo a capacidade de concentración, aumentando a autoestima e axudando á relaxación entre outras cousas.
Ademais, ao colorear estimúlanse ambos hemisferios cerebrais; equilibrando o modo de pensamento, a mente e as habilidades asociadas a cada un de ditos hemisferios.
Aquí compartimos con todos vós o noso resultado, no que o alumnado reflectiu as cores que máis asocia con esta estación do ano. Como nos gusta a primavera!