LIBRO DE PSICOMOTRICIDADE
↑↑↑↑ SE PINCHADES NESTE ENLACE ENCONTRAREDES TODAS AS ACTUALIZACIÓNS QUE VOS VOU ENLAZANDO NO PRINCIPIO DA PÁXINA SOBRE:
P S I C O M O T R I C I D A D E
CAMIÑOS NA MESA - Luns 25 de maio
Bo día a todos e todas!!
Neste comezo de semana, imos a cambiar un pouco espazo onde "exercitarnos".
Normalmente usamos toda a casa verdade? O corredor, as habitacións... pero hoxe imos traballar nunha mesa!
O xogo é moi sinxelo pero pode ser moi divertido, e aínda que non ten un compoñente de equipo (xógase individualmente), si que se pode xogar a superarnos a nós mesmos (coma sempre dicimos, máis interesante que superar aos demais!), intentando facer as misións o máis á presa posible!
Primeiro necesitamos papeis, a poder ser en branco; se temos folios, xuntaremos dous folios e pegarémolos con cinta adhesiva para facer unha superficie maior, e se non temos folios, poden valer xornais ou papeis de revista. Agora colledes uns rotuladores (se poden ser de punta fina, mellor), e pedide á familia, que vos debuxen uns "camiños", pero, ollo! Teñen que ser simétricos! Unha vez feitas varias follas con diferentes camiños, collede dous tapóns de botella (de auga, de leite, de refresco... o que teñades!), poñede un tapón no dedo índice esquerdo, e o outro tapón no índice dereito e... a percorrer os camiños !!!!! Veña! Cada vez máis rápido !!!
Coma sempre, e para que o vexades mellor, déixovos unhas fotos:
Fonte: pinterest.es
Fonte: pinterest.es
A outra versión deste xogo, sobre todo para os máis pequenos, é pintar os camiños e que os percorran con coches ou outros xoguetes pequenos que teñades pola casa. Isto seralles máis sinxelo que cos tapóns, sobre todo por manexar o tapón coa man non dominante (se por exemplo, son destros, conducir o tapón coa esquerda é todo un reto!). Tamén podedes poñer nun anaco de papel uns "obstáculos" (como na segunda foto), que debuxen os camiños ao redor deles, e logo que sigan o camiño que eles mesmos/as crearon!:
Fonte: pinterest.es
Fonte: pinterest.es
Nada máis por hoxe, tan só que consultedes o apartado de LECTURAS, porque penso que igual hai unha sorpresiña....
Bo luns!!!
USA AS FRECHAS PARA IR AO XOGO SEGUINTE OU AO ANTERIOR