REGULAMENTO DE MINIBASQUET
O minibasket é un xogo, baseado no baloncesto, para nenos e nenas que teñan menos de 12 anos.O obxectivo de cada equipo é o de introduci-lo balón no cesto do equipo contrario e evitar que o outro equipo teña o control do balón ou anote, de acordo coas Regras do Xogo.
A PISTA.
O terreo de xogo será unha superficie chá e dura, libre de atrancos, cunhas dimensións de 28 m. de longo e 15 m. de ancho.
LIÑAS DE TIROS LIBRES .
As liñas de tiros libres estarán marcadas a 4,90 metros de lonxitude, paralela á liña de fondo e co seu bordo máis afastado a 4 metros do taboleiro.
EQUIPOS.
Cada equipo componse de 8 xogadores, incluíndo ao capitán.
TEMPO DE XOGO.
O partido componse de catro períodos de 10 minutos cada un, con descansos de dous minutos entre cada tempo.
REGULAMENTO DO XOGO.
Como se xoga o balón?
No minibasket, o balón xógase coas mans.
Pode ser pasado, lanzado ou driblado en calquera dirección dentro dos límites das Regras do Xogo.
Son faltas: correr co balón, darlle co pé intencionadamente ou golpealo co puño.
Tocar accidentalmente o balón co pé ou coa perna non é falta.
Canastra: Cando se consigue e o seu valor.
Se consigue unha canastra cando un balón vivo entre pola parte superior do cesto e permanece dentro del ou o atravesa.Unha canastra conseguida dende o terreo de xogo vale 2 puntos e unha canastra de tiro libre,1 punto.
Despois de unha canastra dende o terreo de xogo ou do último tiro libre convertido os opoñentes reanudarán o xogo cun saque dende calquera lugar da liña de fondo, que fará nun máximo de cinco segundos.
FALTAS PERSOAIS.
FALTAS
Unha falta é unha infracción das Regras que implica un contacto persoal con un adversario ou un comportamento antideportivo.
TIROS LIBRES
Un tiro libre é un privilexio que se concede a un xogador e que consiste en marcar un punto por tiro á cesta dende unha posición detrás da liña de tiros libres e dentro do semicírculo.
O tiro libre é executado polo xogador ao cal se lle ten cometido a falta.