Hoxe, 8 de marzo, Día Internacional da Muller, fomos testemuña do bo facer do escritor Manuel Rivas. O alumnado de 5º participou na Biblioteca da Solaina dun achegamento á literatura e ao seu libro Bala Perdida. Preme no enlace se queres ver as fotos do evento.

Hoxe, 19 de  decembro, contamos coa presenza do recoñecido cómico Fran Rei, que desenvolveu o espectáculo O Conto da Barriga Verde, mestura de tres obras de Manuel María na que aboian narración oral, humor e maxia. Grazas á colaboración do Padroado de Cultura e á Deputación da Coruña, o alumnado de 6º pasouno de cine na Biblioteca. Esperamos por outra actuación tan sinalada do gran actor.

   Os/as nenos/as de 3º e 4º da Solaina limos o libro "Coller as rendas" da escritora Yolanda Castaño.

   Ao longo do libro diferentes animais "collen as rendas " da súa vida e deciden adicarse ao que sempre soñaron.

   Onte, 2 de maio, a súa autora fíxonos unha moi agradable visita na que nos relatou de novo o seu libro, falounos dos animaliños e incluso algo da súa vida e de como se converte na marabillosa escritora que é hoxe en día. 

Grazas Yolanda, e esperamos verte pronto! 

Unha aperta.

 O pasado xoves, día 21 de abril, dentro do Programa de actividades de animación á lectura, os 175 alumnos/as  de Educación Infantil puideron mergullarse no mundo de fantasía e imaxinación que lles permiten os contos.

 Da man de Dulcinea Cuentacuentos (Yanina Ivaldi), o alumnado permanecu expectante escoitando os inolvidables contos que esta magnifica contacontos lles narrou.

PROGRAMA DE ACTIVIDADES 

GALERÍA DE IMAXES

FELIZ FEROZ EL HEMATOCRÍTICO.

• Educación infantil e 1º e 2º de Educación Primaria.
• 1 de marzo.

 Narración oral: Paula Carballeira

5º e 6º Educación Primaria

O verán é un bo momento para gozar da lectura. Por iso, dende a biblioteca do CEIP A Solaina suxerimos ao alumnado para este período vacacional as obras que figuran no díptico.

Preme aquí para coñecer o contido do libro elixido.

Este 23 de abril, e unha vez que remate o día, será lembrado polo alumnado do centro como un  día no que a xornada escolar contou cunha figura especial:

Don Quixote.

A organización de diversas actividades na biblioteca permitiu que os máis pequenos que se están a iniciar na lectura, puidesen escoitar narrar aos seus compañeiros as aventuras do Ingenoso Hidalgo Don Quijote  de la Mancha

 Previamente, a visualizacion da serie de TVE de debuxos animados, fixoos vibrar de emoción co que lle  acontece a este fidalgo na súas aventuras como cabaleiro andante.

 Para os de maior idade, as figuras de Cervantes e Shakespeare, estiveron presentes á hora de coñecer a súa vida, obra e trascendencia a nivel universal como escritores clave na historia do mundo das letras.

 O equipo de biblioteca do CEIP A Solaina espera que no día de hoxe, Día do Libro, puideras adicar un rato a achegarte a algunha  biblioteca para contar coa sempre grata compañía dun libro.

Imaxes das actividades.

   O alumnado de 1º e 2º de Educación Primarira tiveron o pracer de contar co autor dun libro que traballlaron en cadansúa aula, falamos de El Hematocrítico e do libro

"Feliz Feroz"

que, como podemos supoñer, vai dun lobo aínda que un pouco peculiar...

   Coméntase que ata o lobo Feliz Feroz andivo pola biblioteca! 

   Ahí deixamos as fotos para que o descubrades.   

 Imaxes da galería.

   A editorial KALANDRAKA conmemora o aniversario da liberación de Auschwitz coa publicación do libro "A historia de Erika" que narra a historia dunha supervivinte do Holocausto que rememora o tráxico destino do que se liberou cando tiña tan só uns meses de vida. 

   Neste enlace temos a información sobre este libro.

O narrador canario, Antonio López, encheu  da alegría ao alumnado do noso centro o venres, 19 de marzo, coa narración de adaptacións de contos tradicionias; narracións das que fixo partícipes tanto a alumnado como a mestras, tal e como recollen as imaxes.

O obxectivo de "dar vida a contos tradicionais",  trasmitidos de xeneracións en xeneracións, deixou na biblioteca unha actividade especial grazas á colaboración do Padroado de Cultura do Concello que, dentro do VI Encontros Internacionais de Narración Oral, achegou o referido narrador ao noso centro.

Contos como: "El espejo",  "La princesa caprichosa" ou "La flor de oroval" ,  serán punto de partida para fomentar a lectura entre o noso alumnado, así como favorecer a conversa cos seus avós e,  lembrar con eles estes contos cargados de ensinanzas!

Este venres, 13 de marzo, a escritora Alicia Borrás Sanjurjo acompañou ao alumnado de 5º de Ep  dentro do programa de actividades da biblioteca de Animación á lectura. 

A escritora, unha vez que se presentou, adicou parte da xornada a dialogar co alumnado, entablando con eles e con elas unha conversación fluída e reflexiva sobre as situacións que viven os protagonistas da súa obra "Nata y Chocolate" y "Nata y Chocolate invencibles", así como as súas vivencias de escritora