Orientación

Hoxe o alumnado de 4º, 5º e 6º de Educación Primaria recibiron unha charla de ciberseguridade, organizada pola Afundación e impartida por Bernardo Viqueira, na que se explicaron os riscos da nosa pegada dixital nas redes sociais e no acceso a programas e contidos informáticos.

En Cruz Vermella están a desenvolver o proxecto "Apoio á Parentalidade Positiva" destinado a familias con nenos, nenas e financiado pola Xunta de Galicia. O obxectivo é fortalecer ás familias e capacitalas para poder realizar a sua labor de xeito efectivo. 

No marco deste proxecto convidanvos a participar o sábado 20 de novembro de 10:00 a 11:30 horas ó seminario on line en directo sobre "Resolución de conflictos", que será impartido por Juan Manuel Romero, psicólogo especialista en trauma e disociación da personalidade.  

Para participar hai que inscribirse neste enlace: https://forms.office.com/r/utcEfY0meC antes do venres 19 de novembro. Logo enviaranvos o código de acceso e unhas sinxelas instrucións.  

Os nenos e nenas de 5º de Educación Primaria aprenden a resolver conflitos e traballan habilidades sociais como a empatía ou a escoita activa,  coa finalidade de mellorar a convivencia no centro.

Este é un proxecto para a formación do alumnado de 5º de EP en resolución pacífica de conflitos que desenvolemos en colaboración co Concello de Vilagarcía de Arousa.

NO  BOE DO 2 DE AGOSTO DE 2021  ESTABLÉCENSE  AS BASES PARA A SOLICITUDE DE BECAS PARA ALUMNADO CON NECESIDADES DE APOIO EDUCATIVO.

A PRESENTACIÓN E SOLICITUDE DAS MESMAS DEBE FACERSE POR INTERNET NA PÁXINA www.educacionyfp.gob.es OU EN SEDE ELECTRÓNICA.

O PRAZO ESTARÁ ABERTO ATA O 30 DE SETEMBRO.

A DOCUMENTACIÓN CUMPRIMENTADA ENTREGARASE NO DEPARTAMENTO DE ORIENTACIÓN DO CEIP AREALONGA, PARA QUE SEXA REXISTRADA, REVISADA E REMITIDA  Á INSPECCIÓN EDUCATIVA.

SÓ PODERÁN ACCEDER A ESTAS AXUDAS ALUMNOS/AS CON DISCAPACIDADE, TRASTORNO GRAVE DE CONDUTA, TRASTORNO DO ESPECTRO AUTISTA, TDAH  OU TRASTORNOS GRAVES DE COMUNICACIÓN E DE LIINGUAXE ASOCIADOS A NECESIDADES EDUCATIVAS ESPECIAIS.

PODEN CONSULTAR MÁIS INFORMACIÓN NO SEGUINTE ENLACE  (BECAS Y AYUDAS PARA ALUMNOS CON NECESIDAD DE APOYO EDUCATIVO. MINISTERIO DE EDUCACIÓN Y FORMACIÓN PROFESIONAL)

Xa está na páxina web do IES Castro Alobre a información para a matrícula no curso 21-22. O máis importante son os días preferentes para a matrícula e o impreso de matrícula de 1º de ESO. 

Os días preferentes para a matrícula son:

- 1 de xullo: Arealonga e Escardia
- 2 de xullo: A Lomba e admitidos doutros centros

No propio impreso de matrícula, respecto a sección bilingüe hai que ter en conta que actualmente a sección bilingüe en inglés abrangue 2 materias: Educación Física e Educación Plástica, Visual e Audiovisual. Pola súa parte a sección bilingüe en francés abrangue a materia de matemáticas. O criterio que se seguirá para decidir que alumnos/as entran na sección bilingüe será a consulta do seu expediente académico, sendo os expedientes coas notas máis altas que o soliciten os que poderán acceder.