TEMAS A TRATAR
| Sitio: | Aula Virtual |
| Curso: | PFPP 2022: Afondamento na integración das Tics |
| Libro: | TEMAS A TRATAR |
| Impreso por: | Usuario convidado |
| Data: | venres, 16 de agosto de 2024, 05:50 |
1. ESPAZO ABALAR
O portal espazoAbalar é unha canle de comunicación de novas sobre o proxecto, e o mesmo tempo unha ferramenta de comunicación entre o profesorado e as familias.
Neste servizo, os/as docentes poden enviar mensaxes ás persoas responsables do alumnado, tanto de xeito individual como dun grupo completo e, opcionalmente, poden permitir que as persoas responsables respondan á mensaxe iniciando así unha conversa con elas. Disponse de varias funcionalidades de mensaxería:
- mensaxes privadas
- mensaxes de difusión
- mensaxes tipo sala
Así, coas mensaxes privadas ou de difusión para grupos enviadas polo profesorado, as persoas responsables van poder comunicarse mantendo a privacidade. A única diferenza é que o profesorado vai poder personalizar os contidos, no caso da mensaxe privada, ou notificacións de interese para todo o grupo, no caso da difusión.
Pola súa parte, as mensaxes tipo sala, permiten crear novas comunicacións dirixidas ás persoas responsables do alumnado. Neste caso a selección faise por grupos completos e as respostas que se envían son visualizadas por cada integrante da sala que teña aceptado participar no chat.
Unha vez enviada a mensaxe, as persoas responsables que estean subscritas ás notificacións recibirán avisos push na app abalarMóbil instalada nos seus dispositivos móbiles.
1.1. ACCESO AO ESPAZO ABALAR
Acceso á plataforma:
Acceso ao servizo de comunicación:
1.2. VIDEOTITORIAL
2. ABALAR PRO
Xunta de Galicia: abalarPro: unha app para o profesorado galego
A Xunta de Galicia, coa finalidade de aumentar o acercamento entre o profesorado e as familias, ademais do portal espazoAbalar, ofrece abalarPro. Trátase dunha aplicación para o persoal docente que vai permitir consultar e enviar mensaxes ás familias a través do teléfono móbil dende calquera lugar, de forma cómoda e rápida.
Esta aplicación nace no contexto do Proxecto Abalar, un compromiso da Administración galega coa cidadanía, no ámbito da integración das novas tecnoloxías na práctica educativa, para acadar unha resposta integral e de futuro aos retos que presenta a educación na sociedade dixital do século XXI.
abalarPro únese así a abalarMóbil, unha aplicación para as familias que permite consultar a información de calquera dos seus fillos e interactuar co profesorado a través dos dispositivos móbiles.
A aplicación abalarPro está dispoñible para todo o profesorado dos centros educativos de Galicia de educación infantil, primaria, secundaria, bacharelato e ciclos formativos.
Actualmente a descarga desta aplicación faise dende Google Play Store (se o sistema operativo é Android) e proximamente desde Apple store (se o sistema operativo é IOS).
As funcionalidades da primeira versión de abalarPro están orientadas á mensaxería, de tal forma que é posible acceder á listaxe de mensaxes, así como crear novas mensaxes con outros participantes: mensaxe privada, de difusión ou grupal/sala. En futuras versións incrementaranse novas funcionalidades dentro da app.
2.2. NOVAS FUNCIONALIDADES
Nova funcionalidade na app do profesorado abalarPro: citas de titoría
A aplicación abalarPro, que está dispoñible para profesorado galego dos centros educativos de Galicia de educación infantil, primaria, secundaria, bacharelato e ciclos formativos, dispón dunha nova funcionalidade: as citas de titoría.
A través deste novo servizo o profesorado poderá xestionar as citas de titoría a través do teléfono móbil, de forma cómoda e rápida, solicitadas polos responsables dos/as alumnos/as: data e hora na que se desexa realizar a titoría, o estado e detalle da cita, etc.
Esta funcionalidade únese así ao servizo xa existente da mensaxería, de tal forma que é posible acceder á listaxe de mensaxes, así como crear novas mensaxes con outros participantes: mensaxe privada, de difusión ou grupal/sala. En futuras versións incrementaranse novas funcionalidades dentro da app.
A descarga desta aplicación faise dende Google Play Store (se o sistema operativo é Android) e desde Apple store (se o sistema operativo é IOS).