Blogues de E. Primaria
OBRADOIROS DE IGUALDADE E EDUCACIÓN VIAL
Enviado por Ainhoa Suarez o Mar, 28/06/2022 - 16:43Nestas últimas semanas de curso levamos a cabo moitas actividades... Entre elas, dous obradoiros de IGUALDADE e EDUCACIÓN VIAL.
Comezamos a mañá aprendendo A CIENCIA DO TRABALLO DOMÉSTICO. Primeiro falamos sobre que todos e todas temos que colaborar nas tarefas do fogar, e despois vimos que calquer persoa pode ser científico/a: cando estamos cociñando, limpando... a ciencia está por todas partes!
Por último, puxemos en práctica o que aprendimos facendo algúns experimentos coma os que podedes ver nas fotografías.
Por outra banda, percorrimos un circuito de EDUCACIÓN VIAL. Despois de estar todo o trimestre traballando as normas e sinais de tráfico, fomos quen realizalo cos nosos patíns.
Así de cansos acabamos!
EXCURSIÓN FINAL DE CURSO SANTIAGO DE COMPOSTELA
Enviado por Ana Cabaleiro o Sáb, 18/06/2022 - 17:53
E por fin chegou o día tan esperado, a excursión de final de cursooooo de 3º e 4º!
Que ganiñas tiñamos todxs desta saída, despois de tanto esforzo e tantas restricións, xa era hora de volver á normalidade e poder gozar todxs xuntxs en Santiago de Compostela.
Tivemos un día fantástico, o ceo anubrado deixounos tempo para todo o programado, MUSEO DE CIENCIAS, TOUR POR SANTIAGO, COMER NO PARQUE AO AIRE LIBRE E MUSEO DO POBO GALEGO. E por supospo comer o xeado!!
Ollade que ben o pasamos!
Visita da protectora do Morrazo
Enviado por Susi Fernandez o Mér, 15/06/2022 - 22:37Hoxe estabamos todos moi ilusionados coa visita da PROTECTORA DO MORRAZO, e ao fin, viñeron a visitarnos con dous canciños!
Trouxemos unha morea de agasallos para eles, e en canto chegamos, foron a olisquealos, sabían que eran para eles!
Ao principio estaban un pouco nerviosos tamén, pero deseguida se acurrucaron nos brazos da profe Ana e a adoptaron!
O centro é unha asociación sen ánimo de lucro fundada en 1993 coa finalidade primordial da defensa e protección dos animais mediante a recollida de cans abandonados e promover a súa defensa mediante campañas de concienciación, divulgación, e a xestión do refuxio.
A súa actividade principal é o coidado, a todos os niveis, dos animais que viven no refuxio para conseguir que todos elles se sintan queridos e seguros ata que consigan unha familia que os adopte de forma responsable e lles asegure un futuro feliz e unha vida digna.
Recordáronnos que non son xoguetes, que pasan a formar parte da nosa familia e como tal, necesitan coidados e moitísimo cariño. Tamén nos avisaron que a adopción dos cans require dun coñecemento amplio dos adoptantes e do que será o novo fogar dos animais. Tratase de lograr satisfacer as necesidades de ambos e que a relación que comeza sexa definitiva. Porque todos elles necesitarán un tempo e diñeiro para os seus coidados e para os seus paseos. Son os nosos amigos, pero tamén a nosa responsabilidade!
É importante a castración para evitar moitas enfermidades e reproduccións non controladas e é obligatorio poñerlles un chip, por se se perden, poidan devolvelos ás súas familias.
Ao final, tiveron unha sesión de aloumiños e tenrura! Canta emoción!
Non podemos rematar sen agradecer a todas as familias que participaron cos seus agasallos para a protectora.
Aquí deixamos o enlace da protectora: https://www.morrazocan.com/
O curso que ven, iremos a visitalos á protectora!
E POR FIN CHEGOU O DÍA DA EXCURSIÓN!!!!
Enviado por Macu Rodríguez o Mér, 15/06/2022 - 00:05
E POR FIN CHEGOU O DÍA DA EXCURSIÓN!!!!
Despois de tanto tempo agardando, despois de tanta preocupación por se chovía, despois de tanto nerviosismo e de tanta ilusión contida,
POR FIN CHEGHOU O DÍA DA EXCURSIÓN!!!
QUE BEN O PASAMOS!!
Grazas ás nosas queridas GATIÑAS VIAXEIRAS emprendemos esta magnífica aventura que nos levou a viaxar en autobús entre Bueu e Moaña e en barco pola ría de Vigo!!
Visitamos o museo MEIRANDE onde nos falaron da batalla de Rande e de como era a vida dentro dun galeón!
Percorremos a ILLA DE SAN SIMÓN, onde Mari Cruz, a nosa guía, nos falou da súa Historia. Ademais, organizounos uns xogos divertidísimos e superamos a probas que nos foi poñendo ata atopar o tesouro agochado na “Ventá do vento”.
Logo, regresamos en barco a Moaña. Alí, merendamos e xogamos nun parque enorme no que o pasamos como auténticxs piratas!!!!
QUE BEN O PASAMOS!!! FOI UN DÍA XENIAL!!!
SAÍDA PRAIA 22
Enviado por Ana Cabaleiro o Mar, 14/06/2022 - 23:03Hoxe tivemos un día SUPEEEEERRR DIVERTIDOOOOOO! Un día de convivencia entre as dúas clases, porque non todo vai ser estudar e traballar!
Sobran as palabras, tivemos xogos e máis xogos, chapuzóns e máis risas!
Foi unha mañá fantástica na praia da Banda do Río, o curso que vén REPETIREMOSSSS!!
Sesión de animación á lectura nos terceiros
Enviado por Susi Fernandez o Lun, 13/06/2022 - 21:06Esta mañá veunos visitar Benxamín, e fixemos algunhas actividades sobre o libro que lemos este trimestre: "A señorita BUBBLE, Baixo cero" de Ledicia Santos.
Ao final, contounos unha historia moi divertida sobre un dos nosos compañeiros: Iago e tamén fixo o seu retrato!
Que ben o pasamos!
EVA MEJUTO VISÍTANOS NO BIBLIOCASTELO
Enviado por Macu Rodríguez o Lun, 13/06/2022 - 00:05
EVA MEJUTO VISITOUNOS NO BIBLIOCASTELO
Este luns por fin recibimos a ansiada visita de Eva Mejuto ao noso Bibliocastelo!
Foi un pracer coñecela e compartir con ela un anaco no que nos contou un importante segredo!!
Nós falámoslle do traballo de investigación que levamos a cabo grazas a elas e Eva explicounos que ten en mans un novo proxecto!!! Tamén de personaxes que viaxan, como as Gatiñas; pero, como aínda non ten todas as ideas moi claras, pediunos que a aconsellásemos sobre as diferentes posibilidades entre as cales escoller protagonistas, lugares de destino... e, bueno... ideas ocorréronsenos... a moreas!!!!! Non sabemos con cales decidirá quedar; pero... falar, falamos dunha chea delas!!!
Despois, foi moi moi moi amable e asinounos os libros todos, un por un!!!
FOI MOI SIMPÁTICA, MOI PACIENTE E MOI AMABLE!!!!
Agardamos que volva pronto!!! O seu libro das gatiñas encantounos!! Descubrimos con elas un montón de lugares fermosísimos que non coñeciamos!!!
MOITAS GRAZAS, EVA , POLA TÚA PACIENCIA E SIMPATÍA!!! ENCANTOUNOS COÑECERTE!!!
PROXECTO PLANTAS
Enviado por Ana Cabaleiro o Sáb, 11/06/2022 - 15:34PROXECTO PLANTAS
Derradeiro proxecto do curso en ciencias naturais. Hai unha gran melloría desde a primeira exposición a esta última.
Simplemente dicirvos a todxs, PARABÉNS por estes traballos, porque cada vez o facedes mellor e o máis importante é que o facedes con ilusión e moi moi motivadxs!
GRAZAS POR ESTE CURSO MARABILLOSO!
TRABALLO POR EQUIPOS, mirade que ben o fixeron. Todxs queren ir a expoñer a outras aulas, o cal é fantástico para afianzar o aprendido, para traballar a exposición oral, para subir a autoestima... porque TODXS O FACEDES MOI MOI BEN!
Charla "A ciencia do traballo doméstico"
Enviado por Susi Fernandez o Sáb, 11/06/2022 - 10:45O venres 10 de xuño, o CIM de Bueu impartíu unhas charlas nos cursos de terceiro, destinadas a concienciar ao alumnado da importancia de colaborar nas tarefas da casa e a implicación de toda a familia nelas. Tamén debatimos sobre o rol de xénero, aínda tan arraigado na nosa sociedade e do que as próximas xeracións teñen que desprenderse.
TODOS SOMOS IGUAIS E TODOS TEMOS OS MESMOS DEREITOS E AS MESMAS OBRIGAS!
O alumnado de 3ºB fixo un par de experimentos na clase:
OBRADOIROS DE IGUALDADE PROMOVIDOS POLO CIM DO CONCELLO DE BUEU
Enviado por Macu Rodríguez o Ven, 10/06/2022 - 00:05A CIENCIA DO TRABALLO DOMÉSTICO
En relación coa escola, co que se lles ensinaba antigamente ás rapazas e á falta de importancia que se lle deu sempre ao labor que as mulleres desenvolvían nas casas, este venres, día 10, fixemos un obradoiro organizado polo CENTRO DE INFORMACIÓN Á MULLER do CONCELLO DE BUEU.
A actividade foi impartida por Mila e por Patri, da Cooperativa de Traballo Asociado LILANDEIRAS.
E con elas descubrimos cuestións que non podiamos imaxinar!
Demostráronnos que as tarefas do fogar teñen moito que ver coa ciencia!
Por exemplo, que o xabón que elimina as manchas da roupa faino en bases ás leis da física ( usando as cargas eléctricas); que cando cociñamos, interveñen procesos químicos e físicos; ou que saber repartir ben os cartos para atender as necesidades que temos ao longo de todo o mes (pagar os recibos da luz e da auga, mercar comida, produtos de hixiene...) hai que usar moito as matemáticas!
Tamén nos falaron de grandes inventos que facilitaron a vida doméstica que foron credos por mulleres que descoñeciamos por completo!! Algúns tan importantes como a neveira!!
Faláronnos dunha nena de 10 anos que inventou un quentador de auga para unha casa usando materiais reciclados!!
Ademais, en 1° B e en 2º, Patri tamén fixo experimentos!
Quen dixo que a ciencia e a tecnoloxía tiñan algo que ver co xénero?!
MOITAS GRAZAS, PATRI E MILA!!
- « primeira
- ‹ anterior
- …
- 3
- 4
- 5
- 6
- 7
- 8
- 9
- 10
- 11
- …
- seguinte ›
- última »
![Blogues de E. Primaria Distribuir contido](/centros/ceipapedra/misc/feed.png)