Blogues de E. Primaria
Actividades interesantes que levamos realizando ao longo do curso en 6º
Enviado por Silvia García o Lun, 17/04/2023 - 00:55Antes do Nadal a Asociación Érguete deunos unhas charlas sobre as condutas aditivas ás substancias tóxicas e durante o mes de maio serán sobre as adicións ás novas tecnoloxías.
O 8 de novembro recibimos, nas aulas de 6º, a membros do equipo
directivo do Xoán Carballeira que nos deron unha charla sobre como funciona o Instituto.
O 9 de novembro celebramos o Magosto e o 8 de novembro visitamos o Clube de Remo con Goretti, a profe de Educación Física, e probamos as diferentes actividades que alí se realizan.
O 23 de novembro, Pedro Meira Rodríguez, arquitecto e gañador, xunto co seu equipo de máster, da Novena edición do Premio Playstation, co xogo Balam (Bounce Hell, un orixinal título de estilo bullet hell, acadou facerse co galardón ao Mellor Xogo do Ano) deunos unha interesantísima charla sobre como se crean os videoxogos.
O 1 de decembro realizamos unha divertida actividade de Igualdade de Xénero proposta polo CIM.
O 21 de decembro tivemos un interesante obradoiro sobre o Parque Nacional das Illas Atlánticas no que se falou do cormorán e de diferentes especies acuáticas e terrestres das Illas.
Aprendemos tamén a facer un “Bocata Saudable” empregando alimentos enlatados.
O 23 de xaneiro realizamos unha visita ao Instituto Xoán Carballeira onde fomos moi ben recibidos por membros do profesorado, equipo directivo e antigos alumnos que nos ensinaron o centro en pequenos grupos.
O 7 de febreiro, Mariña, Ofelia, Carmen Castro e Noa fixeron unha lectura e interpretación do conto “un máis” á rapazada de 4 e 5 anos de Infantil.
O 13 de febreiro fomos, de público en directo, a un programa de
radio da Cadea Ser no Instituto Xoán Carballeira e gañamos unhas
empanadas que os nenos e nenas saborearon nun recreo.
O venres 17 de febreiro celebramos o Entroido cos traxes
realizados no cole. Fomos de pezas de Xadrez.
O 6 de marzo coñecemos e practicamos Gospel da man de Diana que nos ensinou a facer quecementos coa voz e despois divertímonos moito cantando. Moitas grazas!!
Practicamos os xogos polo Día 8 de marzo, o día 10 de marzo, “Xogos pola Igualdade” organizados polo Concello en colaboración coa Asociación Juan XXIII.
E este trimestre xa vén rebosante doutras moitas e
interesantes actividades!!
Un saúdo que axiña continuamos!
No xardín do poeta 4ºA
Enviado por Susi Fernandez o Dom, 16/04/2023 - 12:24Neste segundo trimestre, a rapazada de 4º estivemos lendo o libro "No xardín do poeta" e o noso curso decidiu aprenderse algunhas poesías e recitalas por equipos.
Aquí tedes o resultado, moi ben, rapacxs!!
Experimentos 4ºA
Enviado por Susi Fernandez o Dom, 16/04/2023 - 11:44Para rematar o proxecto de ciencias, os rapacxs de 4ºA prepararon por parellas un experimento, que tiñan que explicar logo. Pasámolo moi ben!
Premede para ver o vídeo.
CHARLA SOBRE ANIMAIS CON FRAN, PABLO E HUGO
Enviado por Ainhoa Suarez o Ven, 31/03/2023 - 16:05Hoxe tivemos unha visita moi especial, un papá con dous nenos que foron alumnos do cole e que seguro coñecedes: Pablo e Hugo.
Como sabedes, este trimestre estivemos levando a cabo un proxecto sobre animais. Por este motivo, Fran veu darnos unha pequena charla sobre o tema.
Comezou explicándonos a relación entre os seres humanos e os animais, e a continuación falounos dun montón de curiosidades moi graciosas e sorprendentes. Algunhas xa as sabíamos, pero con outras alucinamos.
Despois, veu a mellor parte: ensinounos as fotografías da súa viaxe a Kenia. Nelas puidemos ver animais salvaxes incribles! Explicounos como se sentiu ao velos, tocalos…
Noutras observamos a forma de vida dunha tribu africana, e finalmente tróuxonos un aparello que estas persoas empregan para cazar.
Nas fotos podedes ver o felices que quedaron os nenos e nenas. Grazas pola vosa visita chicos, agardamos atoparvos pronto!!!
SEGUNDA ROLDA DE COCIÑA 4ºB
Enviado por Ana Cabaleiro o Ven, 31/03/2023 - 12:51
Foi tanto o éxito de cociña que todxs me pediron repetir, así que imos coa segunda rolda! Dá gusto como se organizan, e por suposto quixeron que fixera vídeo!
Ollade que ben o pasamos e que ben arrecende todo o noso cole!
PROXECTO EUROPA 4ºB
Enviado por Ana Cabaleiro o Ven, 31/03/2023 - 09:27
Derradeiro proxecto do trimestre, EUROPA. Na asamblea que facemos ao inicio de cada trimestre decidiron dentro dos temas planteados indagar sobre os países de Europa.
Tras facer as parellas, fixemos por sorteo os países.
Como sempre empezamos coa pregunta QUE QUEREMOS SABER DE...?
Votamos como querían facer este proxecto e saíu outra presentación dixital.
Calcaron o mapa de Europa, puxeron os países e quixeron facer as bandeiras, moitos sabían todas!! A modo de xogo ían colocando no mapa os países coa súa bandeira.
Encantoume este proxecto porque integramos todas as áreas, incluidas as matemáticas. Xa que para viaxar tiñan 2.000€ de presuposto para gastar nunha semana de vacacións ao seu país. Tiveron que facer contas seguido, reservar as entradas dos museos, sacar os tickets dos parques de atraccións, ver onde comían, encher o depósito do coche... e incluso trouxeron agasallos para os seus familiares!!
Tiveron que sacar o billete de avión, buscar hotel, ver como se trasladaban aos lugares e a gran maioría alugaron un coche, outros empregaron o metro...
Buscaron os quilómetros que había entre o seu hotel e os lugares a visitar. Indagaron sobre os monumentos que visitaban, sobre a economía do país, fauna, historia, personaxes famosos, montañas, ríos...
Outra idea que xurdíu foi utilizar o Croma da biblioteca para poñer os lugares que ían visitando, con tan mala sorte que rompeu e moitos quedaron sen a foto, síntoo chicxs! Gabri e Martín foron os primeiros e os que máis o aproveitaron. Ollade o vídeo!
Aquí tendes algunhas das presentacións que fixeron, gran traballo rapaces e rapazas! PARABÉNS!
A POESÍA "NO XARDÍN DO POETA" 4º
Enviado por Ana Cabaleiro o Mar, 28/03/2023 - 18:09
Este trimestre estivemos lendo na aula "NO XARDÍN DO POETA", libro de Antonio García Teijeiro.
Por equipos escolleron dous poemas e fixeron as ilustracións para posteriormente ir recitalos á radio.
Mirade o resultado, parabéns a todxs!
Os cociñeiros de 4ºA
Enviado por Susi Fernandez o Ven, 24/03/2023 - 17:07A semana pasada, a rapazada de 4ºA cociñamos por equipos varias receitas: pizzas, bizcoitos de iogur, madalenas con pepitas de chocolate e polos de fresa e de moras. Disfrutamos moito da experiencia e o mellor foi papalos ao final, somos todos uns larpeiros!!
Queremoslle dar tamén as gracias á profe Anita que veu a axudarnos! GRACIAS!!
VISITA DE ANA ALONSO
Enviado por Ainhoa Suarez o Dom, 19/03/2023 - 12:38A pasada semana veu visitarnos alguén moi especial… a coñecida escritora Ana Alonso. O motivo da visita débese a que ao longo deste trimestre, estivemos lendo e traballando sobre un dos seus libros “LA OSA BLANCA”, en relación ao proxecto sobre animais que estamos a levar a cabo dende as ciencias.
Primeiramente, Ana falounos un pouco sobre a súa vida: cando e por qué comezou a escribir, de qué traballaba antes e ahora, que tipo de libros escribe e para quen van dirixidos…
Despois centrouse en explicar un pouco a historia de “LA OSA BLANCA”. Preguntounos moitas cousas pero amosámoslle que estivemos ben atentos e atentas ao seu libro!
Por último puidemos facerlle un montón de preguntas que previamente prepararamos nas aulas coas mestras. Ana estivo encantada de respondernos e ata nos recomendou outra das súas creacións “LA MOMIA DESPISTADA”, protagonizada polos mesmos personaxes do libro que lemos.
Nas fotos podedes ver o desenvolvemento da charla.
8 DE MARZO - DÍA DA MULLER
Enviado por Ainhoa Suarez o Mér, 08/03/2023 - 19:21Hoxe foi un día moi especial… como cada ano, dende o noso centro celebramos o día da muller.
Comezamos explicándolle ao alumnado a importancia e o por qué de conmemorar este día. Ademais, falamos de mulleres que son importantes nas súas vídas: nais, avoas, mestras… tiñades que escoitar as cousas tan bonitas que dixeron!
Ademais, acudimos ao pavillón de Bueu para realizar a actividade XOGANDO SEN XÉNERO, no marco do noso plan anual de lectura MOITO MÁIS QUE XOGO.
Primeiro, as monitoras explicaron que antes os xoguetes eran para nenos ou para nenas, pero isto a día de hoxe xa non e así, e todos e todas podemos xogar co que queiramos.
Premendo na seguinte imaxe grupal podedes ver un vídeo co ben que o pasamos.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »
![Blogues de E. Primaria Distribuir contido](/centros/ceipapedra/misc/feed.png)