Eleccións ao Consello Escolar 2024-2025

Información do inicio do proceso

O Consello Escolar do Centro é o órgano a través do cal participan na xestión do mesmo os distintos membros da comunidade escolar. 

Segundo a RESOLUCIÓN do 10 de setembro de 2024, da Dirección Xeral de Ordenación e Innovación Educativa, pola que se establece o calendario para a realización de eleccións de membros dos consellos escolares de centros docentes sostidos con fondos públicos  (DOG 18/09/2024), procederase no próximo mes de novembro á renovación parcial do Consello Escolar (DECRETO 92/1988, do 28 de abril).

Segundo o artigo 2º da citada Resolución a elección dos representantes dos distintos sectores da comunidade educativa no Consello Escolar celebrarase entre o 18 e 22 de novembro de 2024, ambos os dous incluídos.

 A Xunta Electoral regulada no artigo 30 do Decreto 92/1988 do 28 de abril e segundo a nova redacción dada polo Decreto 324/1996 do 26 de xullo, constituirase, segundo a Resolución do 10 de setembro de 2024, entre os días 22 e 28 de outubro.

 Segundo o referido artigo 30 do Decreto 92/1988 do 28 de abril e da nova redacción dada polo Decreto 324/1996 do 26 de xullo, procederase á elección dos membros da Xunta Electoral por sorteo público o 22 de outubro ás 09:15 horas na Secretaría do centro.

 Unha vez constituída a Xunta Electoral segundo o artigo 31 do Decreto 92/1998 do 28 de abril e a nova redacción dada polo Decreto 324/1996 do 26 de xullo, procederá a aprobar e publicar os censos electorais, concretará o calendario electoral, ordenará o proceso, admitirá e proclamará as candidaturas, promoverá a constitución das distintas mesas electorais, resolverá as reclamacións e proclamará aos candidatos electos.