Prezadas familias: O XOVES 10 DE SETEMBRO INCORPORARASE O ALUMNADO DE 1º, 2º E 3º DE EDUCACIÓN PRIMARIA E O ALUMNADO DE 4º E 5º DE EDUCACIÓN INFANTIL (O alumnado de 4º de educación infantil farao atendendo ás datas e instrucións recibidas sobre o período de adaptación.) O VENRES 11 DE SETEMBRO INCORPORARASE O ALUMNADO DE 4º, 5º E 6º DE EDUCACIÓN PRIMARIA E O ALUMNADO DE 6º DE EDUCACIÓN INFANTIL, ademais de todos os niveis que se incorporaron o día anterior. É fundamental e obrigatorio que se respecten os horarios, as portas de entrada e as instrucións recibidas (uso de máscara, só un acompañante por alumno/a,..) para que as entradas e as saídas se realicen de xeito escalonadas e para adaptarse ás recomendacións estipuladas no protocolo. MOITAS GRAZAS DE ANTEMÁN POLA VOSA COLABORACIÓN!!! MOI FELIZ CURSO 2020-2021!
|
|||
Hoxe remata o curso 2019-2020. Non foi o curso que tiñamos soñado polas circunstancias que nos tocaron vivir pero non queríamos que finalizara sen despedirnos de todos vós. Comezan as vacacións e poderedes descansar e desfrutar do tempo libre que o tedes moi merecidísimo!!!!! Marchamos pero cun soño no corazón que é poder volver a encontrarnos de novo todas e todos con saúde en setembro!!!! Pinchade na imaxe para poder ver o vídeo da mensaxe que temos para vós.
|
|||
O día 5 de xuño, celébrase o día do medio ambiente e dende o cole A Cristina propuxémonos salvar o medio ambiente e o noso planeta terra porque crecemos e vivimos nel. Non só basta con amala e respetala senón que a temos que coidar e poñernos mans a obra pero....como podemos axudar ao noso planeta terra e polo tanto ao medio ambiente? Pois seguindo estes simples pasos: - Aforrando enerxía, actuaremos como detectives nos nosos fogares e apagaremos as luces cando non as usemos.
- Aforrando auga, pechando billas senón as usamos, podemos empregar a ducha en vez da bañeira.
- Ir ao cole camiñando, ou en bicicleta mantendo as distancias de seguridade, en vez de empregar o coche.
- Reciclar o lixo e sobre todo ter en conta antes de tirar a roupa, libros, xoguetes, pensemos en darlles outra oportunidade.
- Plantar plantas no horto, xardín ou no teu fogar debido a que gracias a elas podemos respirar xa que nos aportan osíxeno.
- Reutilizar a auga da chuvia para regar o horto e as plantas.
- Apagar os nosos aparatos se non os estamos utilizando.
- Empregar materiais de refugallo para crear novos xoguetes ou manualidades.
Como podedes observar os profes da Cristina aportan o seu gran de area para salvar ao planeta terra, reciclando o lixo dos seus fogares, aquí tedes unha mostra das súa práctica diaria:
No blog da biblioteca: O Recuncho de Nuno, atoparedes unha serie de recursos e actividades interactivas que explican a importancia do coidado do medio ambiente, así como as medidas que podemos empregar dende os nosos fogares para salvar o noso planeta terra e contribuír a unha mellora no medio ambiente.
ÁNIMO QUE XUNTOS PODEMOS!!!!!!
|
|||
Hoxe, 17 de maio, os galegos e galegas estamos de celebración, como cada ano celebramos o DÍA DAS LETRAS GALEGAS.
Despois dunha gran semana, na que fixemos varias actividades de exaltación da nosa lingua, así como de coñecemento máis profundo dun escritor destacado da nosa cultura, como é o caso de Carballo Calero, chegou o gran día. A pesares das circunstancias nas que nos atopamos, decidimos unirnos e todos xuntos (tanto mestres/as como o alumnado) realizar unha gran actividade para conmemorar esta festividade. Para iso, estivemos elixindo todos e todas cal era esa palabra galega que tanto nos gustaba para finalmente elaborar un gran vídeo de recollida de "palabras en galego", creando así a nosa "CADEA POLA LINGUA".
Desexamos que desfrutedes un montón recordando palabras en galego que xa coñecedes e aprendendo outras novas.
Pinchade na seguinte imaxe para poder ver o vídeo!!
FELIZ DÍA DAS LETRAS GALEGAS A TODOS E TODAS!
MOITAS GRAZAS POLA VOSA COLABORACIÓN!! |
|||
Aproveitando que hoxe é o Día da familia e o domingo o Día das Letras Galegas, deixámosvos un vídeo elaborado pola "familia do Cole". É un popurrí de música tradicional galega que seguro que coñecedes. Non somos grandes artistas pero fixémolo con moito cariño para todas e todos.
Ademais, como cada ano o 17 de maio é o DÍA DAS LETRAS GALEGAS, unha data de gran importancia para os galegos e galegas, na que resaltamos con gran entusiasmo a nosa lingua galega.
Moitísimas grazas á profe Adriana pola edición e montaxe do vídeo!!! Esperemos que vos guste
FELIZ DÍA!!!!
|
|||
Da man da editorial Bolanda, en colaboración coa Secretaría Xeral de Política, poñen á disposición de todos e todas no Portal da Lingua Galega un novo volume da colección "As miñas primeiras Letras Galegas" dedicado en especial este ano como ben sabedes a Ricardo Carvalho Calero. Recurso ao que tamén tendes acceso no blog da biblioteca o "Recuncho de Nuno".
Pincha na imaxe e accederás ao conto:
Ademais, como cada ano, con anterioridade á conmemoración o 17 de maio, novamente a Secretaría Xeral de Política Lingüística fai públicos, a través do Portal da Lingua, os carteis e as guías premiadas no Concurso-Exposición das Letras Galegas 2020 dedicado a Ricardo Carvalho Calero.Deixámosvos para que os poidades ver pinchando na seguinte imaxe:
Ademais, deixámosvos un xogo que elaborou a profe Adriana para ver canto aprendemos esta semana sobre o autor Carvalho Calero. Anímaste a participar?
|
|||
Seguimos ofrecéndovos gran variedade de recursos lúdicos para celebrar o Día das Letras Galegas. Nesta ocasión son varias aplicacións interactivas para seguir coñecendo un pouco máis sobre o noso autor deste ano,Carvalho Calero.Pinchade nas imaxes para poder acceder:
Ao igual que os días anteriores, consultade tamén a o blog da biblioteca: "O recuncho de Nuno" que atoparedes máis recursos.
|
|||
Continuamos coa semana achegándovos nesta ocasión novos recursos lúdicos e outros descargables para que sigades aprendendo máis sobre a figura de CARVALHO CALERO. Agardamos que vos gusten e que sigades celebrando con nós esta festividade!!Pinchade en cada unha das imaxes para poder acceder, ou no caso dos recursos descargables sobre os nomes que aparecen debaixo da imaxe.- RECURSOS INTERACTIVOS- FERROL |
|||
Un ano máis atopámonos na semana máis significativa para todos os galegos e galegas, é dicir, a SEMANA DAS LETRAS GALEGAS, data na que conmemoramos a nosa lingua galega, e como non, a unha figura literaria destacada, este ano Carballo Calero.
Aínda que este ano sexa dun xeito diferente, dende as nosas casas, non queremos deixar de celebrar un data tan importante. Para iso, ao longo desta semana iremos publicando gran variedade de actividades interactivas e recursos, para que dalgún xeito poidades achegarvos e aprender máis sobre esta celebración, así como en concreto do seu autor. Para comezar, queremos deixarvos un conto de Carballo Calero “AS PITAS BAIXO A CHOIVA” que gravou para todos e todas Ana, nai de Adrián Bustelo de 2º de Educación Primaria.Moitas grazas Ana pola vosa participación. Agardamos que desfrutedes co seu conto!!! Pinchade sobre a imaxe
Ademais, se queredes ver un pouquiño máis sobre este conto, deixámosvos varios recursos facilitados polas COORDINADORAS DE EQUIPAS DE NORMALIZACIÓN LINGÜÍSTICA DE FERROLTERRA nos que atoparedes o conto en pdf, a música e unha pequena unidade didáctica para poder facer. Se vos animades pinchade AQUÍ.A continuación, achegámosvos o material que o SEMINARIO GALÁN pon a disposición dos centros e o alumnado. Pinchade en cada unha das imaxes para acceder ás actividades interactivas e a biografía. Aparecerán distribuídas por cursos, seleccionade a que vos corresponde!!!
-Biografía para o alumnado de Educación Infantil
- Actividades interactivas alumnado 4º Educación Infantil
- Actividades interactivas alumnado 5º Educación Infantil
- Actividades interactivas alumnado 6º Educación Infantil
- Biografía para o alumnado de 1º e 2º de Educación Primaria
- Actividades interactivas alumnado de 1º de Educación Primaria
- Actividades interactivas alumnado de 2º de Educación Primaria
- Biografía para o alumnado de 3º y 4º de Educación Primaria
- Actividades interactivas alumnado de 3º de Educación Primaria
- Actividades interactivas alumnado de 4º de Educación Primaria
- Biografía para o alumnado de 5º e 6º de Educación Primaria
- Actividades interactivas alumnado de 5º de Educación Primaria
- Actividades interactivas alumnado de 6º de Educación Primaria
|
|||
Hoxe, día 2 de Maio, celebramos o día Internacional contra o Acoso EscolarComo xa sabedes, un dos grandes problemas aos que nos enfrontamos hoxe en día nas escolas de todo o mundo é o acoso e violencia escolar, tanto física como psicolóxica, tamén coñecido como “bullying”.Segundo a UNESCO, un 30% dos estudantes de todo o mundo foron intimidados polos seus compañeiros algunha vez. E España, lamentablemente, ocupa o cuarto lugar en casos de bullying a nivel europeo. Datos realmente preocupantes, verdade?O papel que temos as familias xunto cos centros educativos é fundamental para previr e erradicar este fenómeno que afecta gravemente á saúde mental, á calidade de vida e ao rendemento académico das vítimas.Por iso, é moi importante concienciar sobre este problema dende as idades más temperás educando en valores sociais e morais positivos e estimulando unha boa autoestima.Os mestres e mestras do CEIP Plurilingüe da Cristina queremos poñerlle freo ao acoso escolar
E ti... poslle freo?
Aquí vos deixamos uns enlaces a contidos dixitais que poden ser de interese para axudar a concienciar ao noso alumnado en contra do acoso escolar. https://www.youtube.com/watch?v=mcWXvFC45hc https://www.youtube.com/watch?v=2CmLNSrO3g4 https://www.youtube.com/watch?v=8hgNwjTLMRw E para os maiores do cole: https://www.youtube.com/watch?v=omZkxy3wU1c https://www.youtube.com/watch?v=03xTFfRO6j0
|
|||
Hoxe celebramos o Día da Educación Física na Casa. Nesta ocasión cambiou a súa R de Rúa pola C de casa, porque o confinamento está a facernos descubrir outra forma de traballar a EF e queremos ensinalo a toda a sociedade. O Día da Educación Física na Casa 2020 quere amosar a miles de persoas a actual EF: integradora, variada, cooperadora, divertida e transmisora de grandes valores. Neste día participaron 1.300 centros educativos e 250.000 alumnos/as de toda España.
Desde o noso centro quixemos formar parte desta experiencia, propoñéndolle aos nenos/as e ás familias baixo o lema " Móvete na casa", que enviaran unha fotografía na que amosaran como fan actividade física nas súas casas estes días.
|
|||
Nos arquivos adxuntos (organizados por cada curso) poderedes acceder ás propostas de actividades elaboradas polo profesorado do centro para que o alumnado continúe co seu proceso educativo nos seus domicilios na vindeira semana (do 27 ao 30 abril).Tamén se poderá acceder ás propostas de actividades a través da aula virtual (do centro ou a plataforma e-dixgal para 5º e 6º de EP).
Recordade que as actividades que aparecen en formato pdf, poderanse imprimir para realizar as tarefas ou copialas e realizalas no caderno. Só se debe copiar das tarefas as preguntas e escribir as respostas (non o resto do documento). No caso de ser unha actividade onde haxa que seleccionar o/a alumno/a pódeo facer oralmente visionando o documento e contando co apoio dun familiar.
O pasado venres 22 de abril, o MINISTERIO DE EDUCACIÓN Y FORMACIÓN PROFESIONAL publicou: Orden EFP/365/2020, de 22 de abril, por la que se establecen el marco y las directrices de actuación para el tercer trimestre del curso 2019-2020 y el inicio del curso 2020-2021, ante la situación de crisis ocasionada por el COVID-19. Onde se especifica as directrices a ter en conta para o desenvolvemento do 3º trimestre. En canto ó desenvolvemento das actividades, reitera o xa mencionado pola consellería nas orientacións provisionais publicadas a semana pasada. Respecto á avaliación especifica (entre outros aspectos) o seguinte: "c) La evaluación de los aprendizajes desarrollados a partir de la suspensión de las actividades lectivas presenciales será continua y acentuará su carácter diagnóstico y formativo en todas las etapas, ciclos y enseñanzas, para valorar los avances realizados y los retrasos que hayan podido producirse, con objeto de planificar las medidas de recuperación que sean necesarias y programar el próximo curso. d) La evaluación final de los aprendizajes del alumnado durante el curso 2019-2020 considerará en conjunto las evaluaciones de todo el curso, valorando especialmente el grado de desarrollo de los aprendizajes y de las competencias imprescindibles previamente definidos. e) Los centros educativos y el profesorado emitirán un informe individual valorativo del trabajo realizado por sus estudiantes en el curso, que incluya los retrasos que hayan podido producirse y un plan de recuperación de estos. f) La promoción de curso será la norma general en todas las etapas, considerándose la repetición de curso una medida muy excepcional, que deberá estar sólidamente argumentada y acompañada de un plan preciso de recuperación, ajustándose al marco general que dispongan las Administraciones educativas." Para solucionar dúbidas respecto ás tarefas, poderedes poñervos en contacto co centro a través do correo electrónico:
Moito ánimo e forza para esta nova semana que comeza!
|
|||
,
Hoxe día 23 de abril celébrase o Día Mundial do libro. Propuxémosvos que gravarades un vídeo coa lectura do voso conto favorito para celebrar xuntos este día a pesar de non poder estar no colexio. Estamos tan felices de ver a enorme participación que tivo esta actividade!!!!! É moi moi emocionante para todas as vosas mestras, mestres, compañeiros e compañeiros poder vervos nos vídeos que compartistes e desfrutar con vós da lectura dos vosos contos preferidos!!!! Temos moitísimas ganas de volver a estar con vós e non temos palabras para agradecer as vosas achegas!!!!! Non comparto por aquí ningún dos vídeos porque non podería elixir. Así que vos deixo visitar o blog da nosa biblioteca: O recuncho de NUNO, onde atoparedes máis de 60 vídeos para desfrutar xuntos da lectura!!!!! Estamos separados, obrigados a estar cada un nas nosas casas pero cos corazóns máis unidos ca nunca. XUNTOS PODEMOS!!!!!! |
|||
Por todo isto, quero propoñervos aos alumnos/as e as familias baixo o lema " Móvete na casa", que enviedes á seguinte dirección de correo electrónico: educacionfisicaceipacristina@gmail.com, unha fotografía na que amosedes como facedes actividade física nas vosas casas estes días. Nela poden aparecer os nenos/as e tamén as familias.
Tendes de prazo para enviar as fotos ata o Luns ás 14 horas.
Anímate e participa!
|
|||
Nos arquivos adxuntos (organizados por cada curso) poderedes acceder ás propostas de actividades elaboradas polo profesorado do centro para que o alumnado continúe co seu proceso educativo nos seus domicilios na vindeira semana (do 20 ao 24 abril). Recordade que as actividades que aparecen en formato pdf, poderanse imprimir para realizar as tarefas ou copialas e realizalas no caderno. Só se debe copiar das tarefas as preguntas e escribir as respostas (non o resto do documento). No caso de ser unha actividade onde haxa que seleccionar o/a alumno/a pódeo facer oralmente visionando o documento e contando co apoio dun familiar. O pasado venres 17 de abril, a Consellería publicou: Orientacións provisionais do 17 de abril para o desenvolvemento do terceiro trimestre do curso 2019/2020 (Á espera da publicación da normativa estatal correspondente) (Podedes acceder a toda a publicación pinchando no texto) Seguimos á espera da publicación da normativa estatal, aínda así as orientacións indican, entre outras cousas, o seguinte: - Durante o terceiro trimestre os centros docentes continuarán coa atención educativa ao alumnado, desenvolvendo actividades que permitan aos alumnos e alumnas manterse incorporados á aprendizaxe continua e suscitar o seu interese por aprender,... - Os centros e o profesorado revisarán as programacións didácticas para centrar as actividades lectivas do derradeiro trimestre nas aprendizaxes e competencias imprescindibles que deberían desenvolver os alumnos e as alumnas, en función da súa etapa, curso, área, materia ou módulo, flexibilizando os seus plans de traballo e coidando de non penalizar ou afectar ao benestar do seu alumnado, nin sobrecargalo de tarefas excesivas. -A avaliación das aprendizaxes desenvolvidas a partir da suspensión das actividades lectivas presenciais será continua e acentuará o seu carácter diagnóstico e formativo en todas as etapas, ciclos e ensinanzas, para valorar os avances realizados e os atrasos que se teñan podido producir, con obxecto de planificar as medidas de recuperación que sexan necesarias e programar o vindeiro curso. A avaliación final das aprendizaxes do alumnado durante o curso 2019-2020 considerará en conxunto as avaliacións de todo o curso, valorando especialmente o grao de desenvolvemento das aprendizaxes e das competencias imprescindibles previamente definidas.
Para solucionar dúbidas respecto ás tarefas, poderedes poñervos en contacto co centro a través do correo electrónico: Ademais esta semana as mestras e mestres do centro participamos na elaboración do seguinte vídeo para darvos moito ánimo e forza!!! Fixémolo con moito cariño e esperamos de corazón que vos guste!
|
|||
- « primeira
- ‹ anterior
- …
- 23
- 24
- 25
- 26
- 27
- 28
- 29
- 30
- 31
- …
- seguinte ›
- última »
