Ed. Infantil.

Xa hai uns días que as mestras nos deixaron o conto Aínda nada de Kalandraka, no cal o señor Luís cavaba un burato enorme na terra e plantaba unha semente. Todos os días ía mirar se a semente brotaba. Ata que un día... naceu unha fermosa flor que..., levou o paxaro!, e cando o señor Luís foi a mirar volveu a dicir AíNDA NADA!

Despois deste conto, as mestras deixáronos unha actividade ben chula, pedíronnos que nós tamén plantásemos unha semente. Se queredes ver os resultados clicade no vídeo e veredes os nosos resultados.

Encántanos facer deporte! Por iso as mestras de infantil nos deixan, de vez en cando, algunha tarefa na cal nos piden que movamos o esqueleto.

Desta vez a actividade chamábase ENTRE PEGADAS ANDA O XOGO, e consistía en facer diferentes circuítos coas pegadas das mans e dos pés. Clicade no vídeo e mirade que ben o pasamos!!

Xa fai uns días, a profe Mari deixounos no blogue o conto Sacapenas, de Kalandraka.

Acordádesvos de Bieito e de todas preocupacións que tiña? A Bieito preocupábanlle os sombreiros, os zapatos, as nubes, a chuvia, os paxaros xigantes,...

Acordádesvos tamén do que pasou o día que foi durmir á casa da súa avoa? O pobre Bieito estaba tan preocupado que non podía durmir!!

COCIÑANDO PALABRAS Á MARIÑEIRA.

5º Educación Infantil

Ariana

Xa case hai dous meses que o Coronavirus cambiou as nosas rutinas.

Durante este tempo, os nenos de infantil do CEIP de Abanqueiro, convertímonos en súper heroes para poder vencelo, e xa o estamos conseguindo!!

A continuación deixámosvos algunhas historias que inventamos para poder vencer, entre todos, ao Coronavirus así como algunhas fotografías das actividades que

fomos facendo. Esperamos que vos guste.

Hoxe é o último mércores do mes de marzo e, sabedes que toca?.... SIIIIII, os aniversarios dos nosos compañeiros e compañeiras.

Coma todas as semanas, as mestras propuxéronos unha actividade musical. Desta vez tíñamos que confeccionar unhas maracas. 

Deixámosvos cunha serie de fotografías quue demostran o ben que o pasamos fabricándoas e tocándoas.

Ao final teredes unha pequena sorpresa!!!

A semana pasada as mestras deixáronnos unha actividade moi chula, na cal o protagonista era un ourizo.

A aula de tres anos púxolle de nome Coidado coas miñas púas, non te piques. A actividade consistía en poñerlle ao ourizo tantas púas como marcaba o dado.

A semana pasada celebramos o Día do libro, e as mestras deixámosvos un enlace do conto de Carabuñas. 

Acordádesvos dese bruxo que non quería cortar as uñas?

Logo de ver o conto, propuxémosvos que vós tamén fixésdes as mans de Carabuñas cunhas uñas moi longas para poderlle facer despois a manicura.

A continuación deixamos un vídeo con algunhas das fotografías que nos mandástedes. Esperamos que vos guste.

LEITE DE CORES

Esta semana, que hoxe remata, celebramos O DÍA DO LIBRO.

As mestras de infantil propuxémosvos encher o noso blogue de contos.

Para iso cada un de vós tiña que gravar un vídeo lendo un conto.

Os primeiros xa comezaron a chegar.

Esperamos que vos gusten moito.

A semana pasada propuxemos como actividade que lle preguntásedes aos maiores que vos rodean a que xogaban eles e elas cando eran pequenos e pequenas.

A idea era que eles e elas vos contasen as súas formas de divertirse cando eran cativos e cativas, e que vós as levásedes tamén a cabo.

A verdade é que a actividade debeu gustarvos moito. Estamos seguras de que o pasáchedes xenial facendo os xogos populares.

A semana pasada as mestras propuxéronos facer unha actividade moi divertida. Tíñamos que pintar con ... fariña!!!

A verdade é que nos estrañou, pero despois de investigar un pouco e sobre todo despois de experimentar moito, os resultados foron os seguintes:

Hoxe deixámosvos unha "obra de teatro" moi especial. Está dirixida, producida e representada polo noso compañeiro Eloi, da clase de cinco anos. Esperamos que vos guste moito.