Dende o Departamento de Orientación deixamos este díptico con algúns dos pasos a dar unha vez que o alumnado remata a escolarización no CEE Santa María.
Pódese descargar e imprimir o pdf premendo sobre a imaxe.
*Neste sentido, a orientadora Mª Jesús Rodríguez Fernández do CEE Miño colgou no seu espazo web a seguinte información:
Comeza unha nova etapa, como teño que solicitar praza para o meu futuro?
- Faise a través do servicio de dependencia, teño que ter actualizado o grao de dependencia, e dirixirme a calquer traballador/a social que tramite os meus documentos.
- Explicámoslle que queremos solicitar unha praza das características que nos interese (residencial, de día..), alí vannos a solicitar aqueles papeis e informes que sexan necesarios para poder levar a cabo a solicitude.
- Temos que ter en conta que van a solicitar un cambio de PIA (a axuda que recibíamos antes pérdese en favor de que nos concedan unha praza pública nun centro),a axuda domiciliaria se xa a tiñamos non a perdemos completa, pero si que a revisarán e modificarán en función da situación de cada un/unha.
- Unha vez recompilados todos os documentos precisos van ao servizo de dependencia, onde se poderán pedir por orde aqueles centros que nos interesen, e alí valorarán o conxunto e enviarano á Xunta (Santiago de Compostela).
- É alí onde nos adxudicarán o centro que consideren máis adecuado tendo en conta as nosas características persoais.
- Unha vez decidido, chaman por teléfono ao centro seleccionado para notificarlles que teñen un novo usuario.
- Será o noso futuro centro o que se poña en contacto con nós para realizar os trámites de admisión e coñecernos persoalmente.
- Temos que ter en conta que ser unha praza pública non significa que sexa gratuíta. Teremos que pagar a porcentaxe que nos corresponda.
Podo renunciar á praza unha vez concedida?
- Temos que ter en conta que os trámites burocráticos tardan bastante en resolverse, podemos esperar meses para que nos dea na resolución.
- Unha vez que nos concedan a praza, se cambiou a nosa situación e decidimos que non é o momento podemos rexeitala asinando unha renuncia voluntaria.
- As prazas residenciais non soen estar dispoñibles, se renunciamos a unha con esas características temos que ter en conta que seguramente teremos que esperar un longo período de tempo antes de volver conseguir outra coas mesmas condicións.
- Podemos solicitar praza as veces que queiramos,pero temos que pensar en que os trámites burocráticos comezarán dende cero cada unha desas veces, e a dispoñibilidade de prazas non sempre é a mesma.
