Hoxe queremos facerlle unha pequena homenaxe a Amalia, xa que estase a encargar do coidado da nosa pequena horta, para que siga crecendo e o traballo do noso alumnado non fose en balde.
Ata estamos a pensar en cambiarlle o nome á nosa "Horta de Charito" e chamala a "Horta de Amalia". Os nosos aplausos de hoxe e este poema de Díaz Castro van para ti. Moitas grazas por todo!
Herba pequerrechiña,
que con medo sorrís
ó sol que vai nacendo
e morrendo sin ti.
Por que, de ser pequena
te me avergonzas ti?
O Universo sería
máis pequeno sen ti!
Xosé María Díaz Castro - Esmeralda (Nimbos) 1961
Bo día a todas e todos,
hoxe pasouse por aquí Charibot para deixarnos un novo vídeo. Que alumn@ se atreveu a mandar unha foto lendo na casa? Pulsa en Charibot e poderás descubrilo.
Co cambio de mes chegan novos aniversarios. Unha pena non poder celebralos convosco. Que pasedes un gran día! PARABÉNS!
Compartimos convosco a canción de Magín Blanco "Todo o día na casiña" na que describe o día a día dos máis pequenos e pequenas da casa. A Secretaría Xeral de Política Lingüística promove este videoclip con animacións da pintora, ilustradora e profesora Luz Beloso e coas voces de grandes referentes da música galega. Neste caso compartimos as adaptacións de "Aulas Galegas" para que chegue a todo o noso alumnado. Esperamos que vos guste:
- Versión con Pictos:
- Versión en LSE:
Bo día,
Imaxe obtida en Freepik
tedes unha nova proposta por parte de do Equipo de Actividades Complementarias e Extraescolares para que non vos esquezades da nosa coa horta, outra forma de continuar co proxecto de Voz Natura. Se queredes acceder ás actividades ou observar como creceu a nosa horta, non dubidedes en pulsar no arquivo.
Deixámosvos por aquí, por se é do voso interese, unha historia social para poder explicar ao noso alumnado as normas para saír da casa.
Cortesia de COMUNITECA.
Moito ánimo e moita forza!
Bo día a todas e todos,
hoxe pasouse por aquí Charibot porque ten unha sorpresa para vós por ser hoxe o día do libro.
Mensaxe desde a nosa casa: botámosvos de menos!
O proxecto do centro deste ano, do que xorde a temática da meirande parte das actividades desenvolvidas ao longo deste curso, é “O mundo nas nosas mans”, o cal nace da proclamación pola ONU do 2020 como ano internacional da “Sanidade Vexetal”, e que ao mesmo tempo está relacionado co proxecto de Ecocomedores e co programa de “Voz Natura”, nos que participa o noso centro educativo.
Tendo en conta isto, dende o Equipo de Actividades Complementarias e Extraescolares do noso centro, propoñémosvos as seguintes actividades, co fin de que dende as vosas casas continuedes o traballo iniciado este ano.
Esperamos que sexa de voso agrado.