Ligazóns accesibles

As ligazón a sitios web deben estar correctamente indicadas. Para que sexan accesibles :

• É necesario proporcionar ligazóns que identifiquen de forma clara o seu destino ou funcionalidade a través dun texto que sexa o máis conciso e significativo posible. Debe quedar suficientemente claro a que recurso vai acceder o usuario cando active o hipervínculo, de xeito que poida ser comprendido cando sexa lido fóra de contexto.
• As ligazóns non deben repetirse na mesma páxina co mesmo texto: nin na ligazón nin no texto alternativo.
• Cando menos un dos textos ---no texto da ligazón (preferentemente) ou no texto alternativo--- debería indicar a páxina que se abrirá ao activar a ligazón.
• No caso de que un vínculo, malia que resulte suficientemente descritivo ou significativo, requira información adicional complementaria para mellorar a comprensión do seu propósito ou destino, esta pode ser proporcionada a través do "Título" (title), é dicir, no texto alternativo, que debe ser empregado unicamente para ampliar a información proporcionada polo texto do enlace (indicar o formato e/ou tamaño dun arquivo adxunto, información complementaria, etc.).
  
• Débese evitar a apertura das ligazóns en xanelas novas. Agora ben, se a ligazón abre a páxina web nunha ventá nova debe indicarse claramente ou ben no texto da propia ligazón ou no texto alternativo. [1]
  

Código HTML...

Os enlaces a outras páxinas, xa sexa do mesmo servidor ou doutro distinto, realízanse mediante o elemento colector <a>. Na etiqueta de apertura é obrigatorio incluír o atributo href, que indica o destino do enlace (o seu URL ou a ruta relativa no servidor).

Este tipo de ligazóns, repetidos varias veces nunha mesma páxina (aínda que con diferentes contextos), provocan que moitos usuarios de lector de pantalla non saiban que acontecerá se activan a ligazón. Cando se fala de "texto da ligazón", faise referencia tanto ao contido textual directo coma ao texto alternativo de calquera imaxe que se encontre no interior da ligazón. Se duas ligazóns dunha mesma páxina teñen o mesmo texto, deben conducir ao mesmo recurso. O mellor xeito de avisar das ligazóns é poñer a palabra "ligazón" antes dunha ligazón, e que a palabra ou palabras anteriores nos digan o nome do sitio ao que enlazan.

Exemplo.

<p><a title="Repositorio galego de recursos educativos" href="https://www.edu.xunta.es/espazoAbalar/espazos/recursos"><strong>Espazo Abalar</strong></a></p>