Formatos de imaxe

As imaxes dixitais arquívanse en diferentes formatos; cada un deles ten avantaxes e inconvintes. O formato ven indicado pola extensión do arquivo, que usualmente vai ao final do nome, separada deste por un punto; exemplos: imaxe1.jpg; imaxe1.gif; imaexe1.png; imaxe1.tiff. A continuación veremos os máis usuais.

1.- O formato jpg. É o formato no que almacenan as fotos a maioría das cámaras dixitais. Ten unha relación axeitada entre tamaño/peso e calidade. É un tipo de imaxe con compresión con pérdida. iso significa que canto máis comprimimos a imaxe, menos pesará, pero tamén terá menos calidade. É ideal para imaxes de gran tamaño e fotografías. Non admite transparencia.

2.- O formato gif. Foi un formato moi popular nos comezos da internet por tres razóns principais: son imaxes de moi pouco peso, soporta transparencia e pódense crear gifs animados, simulando movemento.En contra: baixa calidade e unha paleta de 256 cores máximo (jpg pode manexar 16,7 millóns de cores).

3.-  O formato png. É un formato de compresión sen perda, ideal para imaxes formadas por grandes áreas de cor plana ou con poucas variacións de cor. Admite transparencia.

4.- O formato bmp. É propio dos sistemas Windows; caracterízase por ocupar bastante espazo, pero pode ter boa  calidade.

5.- Formato tiff. É un formato gráfico que xera arquivos grandes pero cunha boa calidade de imaxe e converteuse no formato padrón dos arquivos gráficos con elevada definición de cores.

Debaixo inclúese unha pequena galería de imaxes nas que se mostra a mesma imaxe gardada nos diferentes formatos e indícase o seu tamaño.