2.1. Procura e selección de contidos dixitais

Comezamos o noso percorrido abordando a Procura e selección de contidos dixitais. Antes de nada, cómpre clarexar que supón esta competencia no noso labor docente para que poidamos artellar as ferramentas e estratexias que precisamos para desenvolvela.

A adquisición desta competencia supón localizar, avaliar e seleccionar contidos dixitais de calidade para apoiar e mellorar o ensino e a aprendizaxe. Considerar, de forma específica, o obxectivo de aprendizaxe, o contexto, o enfoque pedagóxico, o tipo de licenza e aspectos técnicos que garantan a accesibilidade universal, a usabilidade e a interoperabilidade.

Que imos traballar no Nivel A1 da CDD?

Recorda, Tania, que estamos a acreditar o Nivel A1 da Competencia Dixital Docente, que nesta competencia se concreta no coñecemento teórico dos criterios para a selección de contidos dixitais e aplicación práctica de estratexias de busca e organización

Esta competencia demóstrase en situacións nas que o/a docente debe afrontar a procura de contidos dixitais para a súa utilización educativa.

Á hora de buscar, avaliar e seleccionar os contidos, non só se deben ter en conta os aspectos pedagóxicos ou didácticos e a súa adecuación ás características do seu alumnado, senón tamén os de carácter técnico (accesibilidade, usabilidade etc.), de seguridade e garantía dos dereitos dixitais de todo o alumnado como, por exemplo, a necesidade de rexistro ou a cesión de datos para o seu uso. Nesta competencia, o/a docente non chega a editar os contidos, simplemente os busca e selecciona para un uso posterior, polo que a selección realizarase, tamén, atendendo aos distintos tipos de licenzas existentes, adecuando a procura ao uso concreto que se lle vaia dar.

Por exemplo, sabías que...?
Traballas esta competencia cando empregas estratexias  estrategias adecuadas (búsqueda por tipo de archivo, palabras, aplicación de filtros, operadores lógicos, ...) a  hora de localizar contidos dixitais.

Que contidos integran esta competencia?

• Coñecemento e aplicación de criterios de calidade técnicos, didácticos e científicos á hora de seleccionar os contidos educativos dixitais para a súa aplicación en situacións concretas de aprendizaxe.
• Utilización dos motores de procura (configuración, estratexias, operadores, uso de metadatos etc.) reducindo posibles rumbos e analizando críticamente os resultados obtidos. Uso de catálogos e repositorios de contidos.
• Coñecemento dos tipos de licenzas e uso ético das mesmas para a procura e selección de contidos educativos dixitais que se adecúen á finalidade para a que van ser utilizados.