Configuración dun cuestionario

Os cuestionarios de Moodle teñen dous compoñentes principais que debemos distinguir: o corpo do cuestionario (definido polas opcións de configuración), e as preguntas que os estudantes deben responder. Estas poden ser de varios tipos diferentes, extraídas dun banco de preguntas e colocadas nunha certa orde.

O corpo do cuestionario é o primeiro que ven os estudantes cando acceden á actividade e define como interactuarán con ela. Para crear o corpo dun cuestionario, hai que activar o modo de edición e, a continuación, seleccionar Cuestionario da lista despregable Engadir unha actividade. Isto levaranos ao seu formulario de configuración, onde completaremos os seguintes campos :

 

 

• Nome: Elementos notables do triángulo. (É o texto identificativo co que quedará enlazado o cuestionario na páxina principal do curso ).

   

• Introdución: Opcional. Neste espazo irá o texto que se mostrará aos estudantes cada vez que inicien o cuestionario. Podemos utilizalo para describir o obxectivo do cuestionario, incluír instrucións de resolución, indicar os criterios de cualificación ou calquera outra cuestión metodolóxica.

   

• Coordinación:

   

  • Abrir cuestionario: Desactivado.

     

  • Pechar o cuestionario: Desactivado.

     

  • Tempo límite: 20 min. Por defecto, os cuestionarios non teñen límite de tempo, e conceden aos estudantes o tempo que necesiten para terminar o cuestionario. Pero, é posible especificar un límite temporal para forzar aos alumnos e ás alumnas a realizar o cuestionario nese intervalo. Neste caso, aparecerá unha pequena ventá emerxente indicando o tempo restante en cada momento. Cando o tempo expira o cuestionario envíase automaticamente coas respostas completadas ata ese momento. Se un estudante manipula o reloxo do seu ordenador e se detecta unha diferenza no tempo de envío maior de 60 segundos, entón o cuestionario cualifícase en cero automaticamente. Para que esta característica funcione no navegador, debe soportar Javascript (pero se o estudante sabe manipular esta función, esta opción non debe considerarse segura). Para fixar este límite temporal é preciso marcar a casa Permitir.

     

  • Atraso da segunda tentativa en relación coa primeira: ningún.Neste campo podemos marcar o tempo de espera para volver a realizar o cuestionario por segunda vez.

     

  • Atraso entre tentativas posteriores: ningún. Especifica o tempo que terá que esperar un alumno ou unha alumna antes de poder intentar contestar o cuestionario por terceira vez ou seguintes.

     

 

 

• Mostrar:

   

  • Mostrar preguntas por páxina: ilimitado. En cuestionarios extensos pode ser práctico limitar o número de preguntas por páxina. Cando se engaden preguntas ao cuestionario inseriranse automaticamente saltos de páxina de acordo co axuste que se introduza aquí. Tamén existe a posibilidade de modificar o salto editando de novo a configuración do cuestionario.

     

  • Barallar preguntas: si ou non

     

  • Barallar dentro das preguntas: si ou non

     

 

• Tentativa: cada un dos envíos do cuestionario

   

  • Tentativas permitidas: o número de veces que consideremos oportuno.

     

  • Cada tentativa constrúese a partir da última: escollemos si.

     

    • SI: cando o estudante realice intentos sucesivos de completar o cuestionario atopará marcadas as respostas que escolleu previamente.

       

    • NON: a pregunta presentarase sen ningunha indicación, como a primeira vez.

       

  • Modo adaptable: escollemos si ou non. Esta opción ten como finalidade o reforzo formativo e permite ao estudante responder varias veces unha pregunta do cuestionario, no caso de que a súa primeira resposta fose incorrecta. Non obstante, normalmente aplicarase unha penalización cuxo factor se fixa individualmente para cada pregunta cando se formula ou edita.

     

    • SI: o alumno pode responder varias veces cada pregunta en cada tentativa. No modo adaptativo amósase o botón adicional Enviar para cada pregunta. Se o estudante pulsa este botón envíase a súa resposta e pode ver a súa cualificación. Se a pregunta é unha pregunta adaptativa e a resposta do estudante é incorrecta, formularáselle unha nova situación que terá en consideración a resposta fallada do estudante.

       

    • NON: o estudante soamente pode contestar unha vez cada pregunta en cada tentativa.

       

• Cualificacións:

   

  • Método de avaliación: escollemos a opción que consideremos adecuada. Para cuestionarios onde se permiten múltiples intentos, podemos elixir que a cualificación almacenada sexa a puntuación máis alta en calquera dos intentos, a media de todos os intentos, a do primeiro intento ou a do último.

     

  • Aplicar penalizacións: eliximos si ou non.

     

  Se un cuestionario se executa en modo adaptativo permitirase ao estudante intentar responder de novo tras unha resposta errónea. Podemos impoñer ou non unha penalización por cada resposta errónea, que será subtraída da puntuación final da pregunta. A cantidade de penalización elíxese individualmente para cada pregunta cando se edita a pregunta. (eliximos si ou non).

  Se o cuestionario non se executa en modo adaptativo non hai penalización (xa que non hai tentativas para cada pregunta). A elección (si ou non) carece de validez; será por defecto non.

• Número de decimais das cualificacións:Eliximos unha opción,por exemplo 2

   

 

 

• Os estudantes poden facer revisións: activamos todo. Nesta sección aparece unha matriz de opcións (casas de verificación) que serven para controlar se os estudantes poden revisar os seus intentos de resolución do cuestionario e en que momento poden facelo.

   

   

  
  

   

• Seguranza (é o nome que aparece no programa informático, e non se pode cambiar):Eliximos si ou non.

   

  • Mostrar exame nunha xanela segura: esta xanela intenta proporcionar algo máis de seguridade aos cuestionarios. Pódese esixir contrasinal e incluso un lugar físico de realización do cuestionario pedindo dirección IP. Esta seguridade non é hermética.

     

 

 

 

• Configuracións de módulo común

   

  • Modo de grupo: eliximos aquí sen grupos (a configuración dos grupos non a imos tratar neste momento).

     

  Neste punto establécese a forma de interacción entre os membros dos grupos de traballo ou curso, tendo en conta que cada estudante só pode pertencer a un único grupo. Temos as seguintes opcións:

  • Sen grupos: todos os estudantes formarán parte dun único grupo.

     

  • Grupos separados: nesta opción os grupos traballarán independentemente, é dicir, os estudantes dun grupo só poden ver os recursos e as actividades do seu propio grupo, os demais grupos serán invisibles para eles.

     

  • Grupos visibles: cada estudante traballará dentro do seu grupo, pero poderá ver o traballo doutros grupos.

     

  • Visible: Esta opción permite mostrar ou ocultar o cuestionario aos estudantes.

     

   

  
  

   

   

  • Avaliación total: Podemos deixar o predeterminado (Opcional).

     

  De todas as maneiras, é interesante saber que nesta sección podemos introducir un texto (retroalimentación) que verá o estudante cando complete un intento de resolver o cuestionario. O texto pode depender da cualificación que o estudante consiga. Por exemplo, para as respostas e os límites de cualificación mostrados na figura seguinte, os estudantes que puntúen 80% ou máis verán a mensaxe “Moi ben”, os que consigan máis do 50% pero menos do 80% verán “Ben”, en tanto que os que teñan unha puntuación menor do 50% verán “Necesitas repasar”.

   

  
  

   

Gardamos e volvemos ao curso.