C- Canles de publicación

Soporte DVD

Para que un vídeo poda ser reproducido en calquera reprodutor, unha das opcións é gravalo nun DVD.

"Unha confusión moi xeneralizada é que calquera arquivo que se grave en un DVD é unha película. Da igual que sexa un Power Point, unha imaxe jpg, un arquivo html... Pero se está en DVD por que non o podo ver na tele? (Sempre me pregunta meu pai)"

DVD significa: Disco Versátil Dixital.

"Para que sexa un DVD-vídeo, ten que ter a estrutura de carpetas: AUDIO_TS e VIDEO_TS. Dentro da carpeta VIDEO_TS estarán unha serie de arquivos .VOB que terán un máximo de 1 GB. Cando se xera a película e esta ocupa máis deste espazo o arquivo pártese. Tamén haberá uns arquivos BUP e IFO.

Se non ten esta estrutura e este tipo de arquivos, NON É UN DVD DE VIDEO!!! (que se poida reproducir en calquera lector)

Estamos empregando o soporte para almacenar datos."

Internet

Na rede podemos atopar diversos aloxamentos para as nosas creacións. Os máis populares son YouTube e Vimeo. Creamos unha conta e seguimos o asistente para publicar. Ao comezo teñen certas limitacións de tamaño dos vídeos, pero a medida que vamos publicando e temos certo número de entradas estas limitacións van diminuíndo.

Cando subimos un arquivo, o servidor convérteos a formatos que admiten streaming.

Código embed < >

Calquera destes dous servidores inclúen a opción de copiar o código para poder incrustar o arquivo no noso Blog. (Moitas veces referido co símbolo < >) 

É moi sinxelo: copias o código, vas ao teu editor do Blog e pegas o código na fiestra onde escribes o texto. O que verás xa non serán as etiquetas correspondentes, senón o teu vídeo incrustado.

Velaí vai o exemplo que fun elaborando mentras escribía este capítulo. O código que copiei do servidor é:

<iframe width="640" height="360" src="http://www.youtube.com/embed/T4cRs4ergUY?rel=0" frameborder="0" allowfullscreen></iframe>