Realización de tarefas de mantemento básico

O presente curso está pensado para que dinamizadores TIC nos centros educativos galegos desenvolvan determinadas capacidades que permitan que o equipamento do centro se atope en estado de uso, sen erros, sen virus, e co software necesario. Pero ollo! non imos pretender converter ao dinamizador TIC nun técnico de soporte informático, senón na figura mediadora entre a tecnoloxía e os compañeiros docentes.

Existe un gran debate sobre cales deben ser as funcións dos coordinadores TIC, en todo caso podemos agrupalas en dous grandes conxuntos:

Estes dous elementos poden ser enfocados de moi diversas formas dende figura do dinamizador. O éxito na labor terá moito que ver na decisión inicial que vaiamos a tomar de cara ao enfoque dinamizador.

Por norma xeral, a maior parte do tempo dun dinamizador TIC invírtese en soporte técnico a equipamento, unha das posibles funcións contidas no primeiro conxunto de funcións que mencionabamos pero, como docentes, o segundo dos conxuntos de funcións parece a máis importante, non cabe dúbida. Polo tanto suponse que debe ser a que máis tempo debe ocuparnos nas nosas labores de dinamización. Así pois, partindo de esta base, probablemente nos quede moi pouco tempo para organizar a xestión técnica do equipamento do centro, sobre todo cando hoxe en día existen moitos e moi variados modelos e tipos de dispositivos.

Teriamos identificado logo un punto de conflito, a proporción do tempo que o dinamizador TIC ocupa en labores puramente de soporte técnico e a proporción do tempo de debía adicarlle. Así pois enfocaremos este contido máis que como unha guía de soporte técnico de equipamento, unha guía de boas prácticas para:

Ademais, trataremos algún contido técnico algo máis especializado.