As licenzas Creative Commons foron desenvolvidas pola Organización sen ánimo de lucro do mesmo nome co obxectivo de crear licenzas abertas ou libres para obras culturais, cientificas e educativas. As licenzas de tipo CC constitúen e ofrecen de forma clara e precisa unha combinación de opcións ás persoas creadoras para que estas indiquen os usos que permiten a terceiras persoas sobre as súas obras. Se atopamos unha creación baixo a licenza CC (Creative Commons) xa saberemos por anticipado o que podemos facer con ela e non temos que recorrer a ningunha organización intermediaria para consultar os usos permitidos.
Imagen de Manfred Steger en Pixabay
A vixencia deste tipo de licenza é a mesma que a especificada na lexislación sobre propiedade intelectual xa que o seu desenvolvemento baséase nesta.
Este tipo de licenzas non eliminan os dereitos das persoas creadoras, o que fan é precisar os usos permitidos.