1.- Introdución
As TIC e as competencias.
As competencias básicas refírense ao desenvolvemento das nosas capacidades para resolver problemas ou situacións que a vida nos vai poñendo diante, sendo quen de adaptarnos ao contexto no que se producen.
No mundo global no que nos movemos, o coñecemento é amplo, as informacións están distribuidas en multitude de medios e plataformas e crecen dun xeito acelerado.
É preciso aprender (nós) e ensinarlle ao alumnado os medios de búsqueda de información de calidade, así como os camiños para procesala, organizala, relacionala e transformala en coñecemento útil para cada un.
Das oito competencias básicas, catro están directamente relacionadas coas Novas Tecnoloxías:
– A competencia lingüística.
– Tratamento da información e competencia dixital.
– Aprender a aprender.
– Competencia social e cidadá.
Non cabe dúbida da necesidade de integrar as TiC no traballo diario de aula. ¿Ou sí?
As tres grandes razóns das TIC na aula: (fai clic enriba para ir pasando a presentación)
Trátase de que as TICs sexan un medio para aprender ao longo de toda a vida, de que nos permitan preparar aos nosos alumnos e alumnas a seleccionar, valorar, criticar, desbotar e utilizar axeitadamente toda a información á que teñen acceso.
A introducción das TICs na aula teñen, pois, moitas vantaxes, aínda que é preciso ter en conta que todo esto vai acompañado de inconvenientes, para os que debemos estar preparados.
Vantaxes e inconvenientes do uso das TICs na aula
No artigo de Pere Màrques que podemos ler na ligazón da presentación, temos información ampliada sobre as vantaxes e inconvenientes das TIC na aula, dende a perspectiva do profesorado, do alumnado e dos centros.