Diagramas de sectores

Cos datos das porcentaxes de alumnado por número de materias suspensas da primeira folla do libro, e que xa utilizamos anteriormente, construímos un diagrama de sectores. Eliximos por tanto as celas C7 a C18 e facemos clic na icona de gráficos  .  E realizamos os correspondentes axustes.

• En tipo de gráfica:

• Escollemos o tipo de gráfico Sector.
• Presentación en 3D.

• En intervalo de datos:

•  Escollemos como intervalo de datos as celas A7 a C18.
• En formato columna.
• A primeira fila como etiqueta.
• A primeira columna como etiqueta.

• En serie de datos:

• Retiramos a serie Nº de alumnos pois só queremos que se recolla a porcentaxe no gráfico.
• Como intervalo de Nome a cela C7.
• Como categorías as celas A8 a A18.

• En elementos da gráfica:

• Título: “Resultados da primeira avaliación de 1º de bacharelato A”.
• Subtítulo: “Porcentaxe de alumnado por Nº de materias suspensas”.
• Figurar lenda e esta no lateral dereito.
• Facemos clic en rematar.

Facendo dobre clic co rato enriba do gráfico e unha vez que está seleccionada a serie prememos co botón dereito do rato e seleccionamos Inserir etiquetas de datos, obtendo así unha etiqueta para cada unha das porcións ou sectores ca porcentaxe de alumnado que representa.

Ao final a gráfica do diagrama de sectores quedará como sigue: