ORGANIZANDO UNHA VIAXE

Gran parte da poboación vive en cidades e a produción de alimentos está en poucas mans. Cada vez hai menos produtores locais, as empresas multinacionais da alimentación están ocupando o seu lugar.

Imos organizarnos en grupos e cada un deles vaise encargar dun aspecto práctico da viaxe.

A continuación tedes as explicacións das tarefas que hai que facer.

Un grupo ten que encargarse de organizar á clase para escoller o destino. Tedes que transmitir a todos os vosos compañeiros e compañeiras as instrucións e coidar de todo o proceso. A parte das comunicacións que fagades na clase (especialmente para poñer en marcha esta actividade) o voso medio de comunicación vai ser o foro.

Imos escoller unha aldea entre todos. Quizais sexa a aldea na que vive algún alumno ou alumna do grupo. Quizais sexa a aldea dos avós ou dos pais, ou a aldea dalgún amigo ou coñecido. Todos imos pensar nas aldeas que coñecemos e ver se nelas hai labregos e labregas cos que poidamos compartir un rato para falar e que nos ensinen as súas hortas.

Cada un vai escoller unha aldea para propoñer como destino da nosa viaxe. Quizais algunhas persoas ides escoller a mesma aldea.

Unha vez escollida ides facer unha candidatura, é dicir, ides explicar porque pensades que esa aldea é adecuada para esta viaxe. A candidatura ten que basearse en datos reais, por iso tes que facer unha primeira visita para ver se reúne as seguintes condicións:

- ¿Hai algúns labregos ou labregas que queiran e poidan recibirnos?

- ¿Poden mostrarnos as súas hortas e lugares de traballo?

- ¿Podemos facerlles preguntas sobre o seu traballo e estilo de vida?

- ¿Hai outros lugares interesantes para visitar? (podedes ter en conta paisaxes, bosques, sendeiros, museos ou mostras interesantes...)

- ¿Hai lugares para o lecer? (onde poidamos pasar un pouco de tempo libre)

- ¿Hai lugares para resgardarse en caso de que choiva?

- ¿A que distancia está esa aldea do noso centro?

Se varias persoas escolledes a mesma aldea podedes xuntarvos para facer unha única candidatura.

Esa candidatura ides subila ó foro para que todos os compañeiros e compañeiras podan coñecela e dar a súa opinión.

Unha vez que todas as candidaturas sexan presentadas no foro, onde tamén poderemos dar a nosa opinión sobre elas, imos elixir o destino final mediante unha votación.

UNHA PRODUCIÓN ECOLÓXICA

Tedes atopar unha produción ecolóxica que poidades visitar. Para iso o mellor é buscar na túa localidade puntos de venta de produtos ecolóxicos frescos. Eses lugares solen traballar con produtores locais.

Unha vez que os localicedes tedes que poñervos en contacto para explicarlles a vosa viaxe e o tipo de encontro que vos gustaría ter.

Neste caso tamén tedes que ver as condicións que reúne para a vosa visita.

Se hai varias propostas tedes que facer unha candidaturas e elixir unha delas.

- Data e horarios da viaxe.

- Profesores e profesoras acompañantes.

- Medio de transporte.

- Aspectos económicos (gastos e recadación das aportacións económicas).

- Aprobación do Consello Escolar.

- Permisos das familias.

Para decidir as actividades podedes facer participar a todos os compañeiros e compañeiras a través do foro, poñendo a pregunta e dando un prazo para responder.

Ó final deste proceso teredes unha boa programación. Durante a visita cada membro do grupo pode responsabilizarse dunha actividade, para que se cumpra o horario e, en caso de ser necesario, se preparen os materiais e se recollan ó rematar.

Polo a este encontro nós aportamos a presentación e as preguntas.

Para facelas podemos contar coas ideas de todos os compañeiros e compañeiras da clase, así como dos profesores e profesoras que vos están acompañando neste proxecto da horta. Imos facelo a través do foro. Podemos pedir propostas e dar un prazo para que fagan as súas achegas.

A vosa labor é facer unha proposta que despois ten que ser aprobada por toda a clase.

No momento da actividade o mellor é que varias persoas participen na presentación e tamén á hora de facer as preguntas. Así todos e todas participades máis e podedes darvos a coñecer ás persoas que vos van recibir.

Polo tanto tamén tedes que asignar os papeis e preparar as preguntas e presentacións antes da viaxe.

En todo caso tede en conta que despois da planificación, no momento da xuntanza poden xurdir preguntas e comentarios espontáneos, e é moi importante deixarlles espazo. O mellor é que se estableza un coloquio no que a vosa curiosidade e a curiosidade dos vosos anfitrións vos leven a coñecervos mellor (nos esquezades que probablemente para estas persoas tamén sexa moi interesante coñecervos).

Isto non quere dicir que o resto dos compañeiros e compañeiras non poidan facer as súas publicacións. A diferencia é que os membros deste grupo van facer a "crónica oficial".

O mellor é que fagades un reparto de tarefas e actividades a cubrir.

Ó final de todo tamén podedes pedir fotografías e vídeos a outras persoas do grupo, e tamén facer algunha entrevista sobre como foi a experiencia.

Viaxar é un dos xeitos máis bonitos de coñecer e aprender. Isto sucede especialmente se compartimos momentos con persoas que teñen un xeito de vida distinto do noso. Un encontro así pode ser un enriquecemento mutuo.

Dado que estamos nun contexto escolar é importante saber que obxectivos buscamos en cada actividade. Isto axudarache a sacar o mellor partido dela.

Por iso, antes de ir de viaxe, imos facer uns cuestionarios que teremos que cubrir ó rematar. Quizais estades acostumados a recibir os cuestionarios feitos dos vosos profesores e profesoras. Esta vez imos axudarlles todos os alumnos e alumnas.

O grupo encargado desta parte ten que recoller no foro todas as ideas para o cuestionario.

Imos facer un cuestionario para cada viaxe e, dado que imos visitar unha produción agrícola tradicional e outra ecolóxica, será importante facer outro para comparar ambas.

Dado que ides ir de viaxe sabendo as preguntas de antemán seguro que ides ter unha boísima cualificación!