Hai dous anos no CPI Conde de Fenosa de Ares, propuxémonos facer unha guía medioambiental do noso contorno. Os alumnos de PDC fixeron unha parte do proxecto traballando a meteoroloxía da zona por proxectos e competencias. Fixeron tarefas de pescuda e elaboración da información e tiveron que presentala e maquetala empregando TIC novidosas como códigos QR, realidade aumentada (AR) e vídeos con fondo de croma para a edición con croma key. Para iso tiveron que empregar diferentes tipos de cámaras, micrófonos, dispositivos móbiles, apps e software. O resultado foi:

• Unha app gratuíta para móbiles descargable desde a Play Store.
• Unha guía interactiva dos tipos de nubes multiplataforma.
• Unha carta de nubes en soporte físico papel con capas de información extra, se a enfocamos co noso dispositivo móbil, usando a app gratuíta Layar. Link a vídeo demostrativo.
• Partes do tempo para a fin de semana empregando edición de vídeo con técnica de croma e colgándoos nunha canle de YouTube.
• Vídeo-leccións sobre a atmosfera e meteoroloxía empregando a app Touchcast.

Todo isto permite que os alumnos:
• Valoren a innovación e a iniciativa propia.
• Comecen a planificar para artellar un proxecto deste tipo.
• Fomenten a súa autonomía.
• Aprendan traballando, elaborando e presentando a información de xeitos diferentes.
• Manexen a linguaxe científica e audiovisual con corrección.
• Teñan unha relación fluída coas TIC e cos dispositivos móbiles.
• Se expresen con corrección e manexen a linguaxe non verbal.

Que aprenderán os asistentes no relatorio (brevemente)?
• Exemplos innovadores do uso das TIC e dispositivos móbiles en ciencias.
• Crear e usar códigos QR.
• Usar realidade aumentada.
• Gravar vídeo con croma en directo nunha tableta.

Recoméndase: levar instalado no dispositivo móbil Layar e un lector de QR.

Para que niveis educativos é interesante ou aplicable esta experiencia?

Educación Infantil, Educación Primaria, Educación Secundaria e Bacharelato.

ACCESO AOS MATERIAIS