Este curso esta elaborado conxuntamente por Carlos Carrión Álvarez, profesor do
IES San Clemente e Antonio de Andrés Lema, profesor do
IES Pazo da Mercé. Neste
enlace pódese acceder ao material directamente.
Todo o material está feito usando a plataforma
mediawiki, que é software libre e é a mesma plataforma que usa a
wikipedia. As vantaxes que vemos a esta forma de publicar o material son:
- O material é "vivo", pode actualizarse, corrixirse e mellorarse de xeito continuo.
- Está dispoñible en Internet (como se indica, podedes ver xa todo o material que usaremos no enlace
http://informatica.iessanclemente.net/manuais/index.php/Curso_Platega_09-10:_Xestión_avanzada_de_Ubuntu._Servizos_de_rede_e_deseño_dunha_infraestrutura_de_dominio).
- O material é libre, está publicado con unha licenza
Creative Commons, e podedes descargalo, utilizalo e modificalo se queredes usalo nas vosas clases no futuro.
Cómpre que teñades en conta que estes documentos son "instantáneas" do material que está na web, e como tales poden quedar obsoletas en pouco tempo, así que recomendámosvos que teñades sempre como referencia o material que está na web.
Outra cousa importante é que para instalar o equipo cliente, vaise facer uso doutro de Ubuntu Desktop. O enlace ao mesmo de xeito independente deste curso é
(http://informatica.iessanclemente.net/manuais/index.php/Curso_Platega_08-09:_Sistema_operativo_GNU-LINUX:_UBUNTU_8.10). Ese curso está baseado na versión Ubuntu Desktop 8.10 e actualizado á versión 10.10. Veredes anotacións e modificacións nos casos en que haxa cambios substanciais entre unha versión e outra, no resto é posible que notedes pequenas diferencias (no aspecto das ventás, nalgunha opción que pode aparecer ou desaparecer); simplemente débese a este cambio de versión.
Requirimentos do curso Para o curso precisaranse 4 ordenadores conectados á rede, nos que se irán instalando diferentes sistemas operativos (Ubuntu Server, Ubuntu Desktop, Windows e Windows Server).
A conexión a internet deberá ter unha velocidade que permita a descarga do software necesario para instalar en Ubuntu.
Sen máis, esperamos o curso cumpra as vosas expectativas.
Antonio e Carlos.