5.5. A avaliación con rúbricas
A avaliación con rúbricas
|
![]() |
As "Rúbricas" son métodos avanzados de cualificar usados para a avaliación baseada en criterios, que poden ser aplicadas ás "tarefas". A rúbrica consiste nun conxunto de criterios, no que para cada criterio proporciónanse varios niveis descritivos e asígnase unha cualificación numérica e/ou nominal a cada un destes niveis. O avaliador elixe que nivel contesta/describe mellor o criterio dado.
Como cualificar unha rúbrica
En principio, cada profesor pode realizar a cualificación da súa propia rúbrica como estime máis oportuno. De todas formas, existe un método estandarizado de cualificación de rúbricas que describimos a continuación.
A cualificación global normalizada calcúlase como a suma da nota obtida en cada criterio menos o valor mínimo posible, e todo isto dividido entre a suma do valor máximo posible menos o mínimo posible en cada criterio.
Este concepto entenderase mellor cun exemplo (ver a rúbrica de exemplo):
Supoñamos que a nosa rúbrica ten 4 criterios (Requisitos, Contidos, Organización, Orixinalidade), todos eles con 4 niveis (Excelente, Ben, Regular, Deficiente) cuxas puntuacións van do 1 ao 4.
As notas que obtivo o noso alumno de exemplo en cada criterio son 3, 1, 4 e 4 puntos respectivamente. Polo tanto, a cualificación obtida sería:
- Numerador: (3 - 1) + (1 - 1) + (4 - 1) + (4 - 1) = 8
- Denominador: (4 - 1) + (4 - 1) + (4 - 1) + (4 - 1) = 12
- Total: 8/12 = 0,6
Neste exemplo, se a nota máxima da tarefa fose de 10 puntos, o alumno obtería unha cualificación total de 6 puntos.
Exemplo de rúbrica
Excelente (4) | Ben (3) | Regular (2) | Deficiente (1) | |
Requisitos |
Cumpre todos os requisitos e incluso excede as expectativas. |
Cumpre todos os requisitos. |
Non cumpre satisfactoriamente con algún requisito. |
Varios requisitos non se cumpren satisfactoriamente. |
Contidos |
Cubre todos os temas en profundidade con detalles e exemplos. O coñecemento do tema é excelente. |
Inclúe coñecemento básico sobre o tema. O contido parece ser bastante bo. |
Inclúe a información básica sobre o tema, pero ten algún erro. |
O contido é mínimo e presenta varios erros. |
Organización |
Contido ben organizado usando adecuadamente os elementos de clasificación. |
Usa elementos de clasificación e organización pero o conxunto aparenta certo desorde. |
A maior parte do contido está organizado. |
A organización non é clara ou non é lóxica. Demasiadas partes sen organizar. |
Orixinalidade |
O resultado demostra gran orixinalidade. As ideas son creativas e enxeñosas. |
O resultado demostra certa orixinalidade. O traballo demostra perspicacia e novas ideas. |
Usa ideas de outros, recoñecemento aos autores, pero case non hai evidencias de ideas orixinais. |
Usa ideas de outros e non recoñece aos autores. |
O editor de rúbrica
O editor de rúbrica está dispoñible como método de cualificación para as actividades de tipo "Tarefa", no formulario de configuracións da tarefa. Polo tanto, o primeiro paso para utilizar unha rúbrica será seleccionaremos "Rúbrica" como método de cualificación no formulario de creación da propia tarefa.
Para acceder ao editor da rúbrica, en primeiro lugar seleccionamos a tarefa que xa está creada e a continuación pulsamos sobre o menú "Administración de tarefas -> Cualificación avanzada" do "bloque Administración".
O editor de rúbricas permite configurar o nome da rúbrica, a descrición así como a propia rúbrica. Este editor permite engadir novos criterios e niveis, eliminalos e cambiar o orden dos criterios. Hai varias opcións nas rúbricas que poden configurarse tamén. Para cada criterio, debe cumprimentarse a descrición do criterio e para cada nivel, debe especificarse a definición do propio nivel e o número de puntos asociados co nivel. A definición da rúbrica debe gardarse usando o botón de "Gardar rúbrica e deixala rematada" ou o botón de "Gardar como versión preliminar".
Cando nunha tarefa escollemos a rúbrica como método de cualificación, temos a opción de crear unha nova desde cero ou reutilizar unha xa existente. Por defecto, só o administrador da aula virtual (Moodle) pode converter rúbricas en modelos dispoñibles en todo o sitio para todos os profesores. Sen embargo, isto non implica que non poidamos reutilizar rúbricas creadas previamente por nós mesmos.
|
![]() |