Documentación para a formación inicial EDIXGAL

O banco de preguntas

Para que serve? 

O banco de preguntas utilízase para crear ou editar preguntas que se organizan en categorías para facilitar o seu emprego na materia. Estas preguntas poden incluírse en calquera cuestionario (ou "proba") da propia materia. 

O profesor accede directamente ao banco de preguntas cando crea ou edita un cuestionario (unha "proba") ou tamén dende o bloque Administración (na parte dereita da pantalla), no seguinte menú "Administración da materia -> Banco de preguntas".

Dende este enlace do menú podemos editar as preguntas xa creadas, organizar as preguntas en categorías, importalas e exportalas.

Como se crea? 

Cando se pulsa sobre enlace de menú despréganse as seguintes opcións:

• Preguntas
  Mostra o listado das preguntas creadas actualmente.
• Categorías
  Permite ver as categorías creadas e crear novas categorías.
• Importar
  Esta función permite importar preguntas nunha variedade de formatos mediante un ficheiro de datos. O ficheiro debe de usar a codificación UTF-8.
• Exportar
  Esta función permite a exportación dunha categoría completa (e calquera subcategoría) de preguntas a un ficheiro. Dependendo do formato de ficheiro seleccionado, algúns datos de preguntas e certos tipos de preguntas pode ser que non se exporten.

Cada unha das preguntas do banco de preguntas inclúe seis iconas que permiten editar, duplicar, previsualizar, mostrar o historial, eliminar ou exportar a pregunta. As preguntas que están sendo usadas en algunha actividade non poden ser eliminadas.

• A icona "editar" permite editar a pregunta mediante o mesmo formulario usado para creala.
• "Duplicado" permite facer unha copia da pregunta.
  
• Cando se pulsa sobre a icona "vista previa" ábrese unha nova ventá de previsualización que permite comprobar o funcionamento da pregunta.
• Facendo clic en "Historia" poderemos acceder ao historial de cambios durante a edición da pregunta.
  
• Se facemos clic sobre  "eliminar" podemos eliminar esa pregunta, sempre e cando non estea sendo usada en algunha das actividades do curso.
• Exportar como XML de moodle permite exportar a pregunta e gardala nun ficheiro de xeito que poidamos importala a outro banco de preguntas.

Se pulsamos o botón "Crear unha nova pregunta" ábrese unha nova ventá na que deberemos seleccionar o tipo de pregunta que queremos crear.

Cando escollemos un determinado tipo de pregunta (emparellamento, numérica, verdadeiro ou falso, ... etc) abriranse os formularios correspondentes para a configuración dos distintos tipos de pregunta.