COORDINADORES-EDIXGAL: 5.6. Que é Agueiro e para qué serve?

Que é Agueiro?

Que é Agueiro e para que serve?

https://agueiro.edu.xunta.gal

Agueiro é unha plataforma que proporciona un entorno virtual de aprendizaxe moi diferente a outros entornos como Moodle (Aula Virtual), aínda que estas diferencias non implican que sexan incompatibles senón que incluso poden chegar a ser complementarios.

MOODLE (Aula Virtual)	AGUEIRO
Centrado nos cursos/contidos. Os cursos definen a estrutura. O alumo recibe cualificacións. Os contidos son visibles dentro dos cursos para todos os usuarios matriculados. As relacións entre usuarios enmárcanse dentro dos cursos.	Centrado no usuario. Orgánico, non estruturado. Non hai cualificacións. Cada usuario crea os seus propios contidos e decide sobre a súa visibilidade. Cada usuario determina as súas propias relacións cos demáis.

O uso dos portafolios dixitais na educación, como Agueiro, introduce e reforza varios aspectos moi importantes no proceso de aprendizaxe dos alumnos:

Fomenta a autonomía do alumno no seu aprendizaxe.
Responsabiliza ao alumno do seu propio proceso formativo.
Obriga ao alumno a reflexionar sobre o que aprende e cómo o aprende.
Potencia o desenvolvemento de destrezas colaborativas por parte dos alumnos cos seus compañeiros.
Desenvolve a capacidade do alumno para resolver problemas en situacións novas.

Agueiro favorece a autonomía do alumno

Cando os alumnos traballan cun sistema de e-Portfolios como Agueiro, realizan todo o seu traballo de forma autónoma seguindo as directrices marcadas polos seus profesores, de maneira que cada alumno debe asumir desde o principio que él será o máximo responsable do seu propio traballo.

O traballo con Agueiro fomenta a auto-disciplina, xa que os alumnos deberán ser suficientemente disciplinados como para facer o traballo que lles corresponde en cada momento sen deixar que se acumule.

Cando se trata de traballo colaborativo ou traballo en grupo, a dinámica propia do funcionamento de Agueiro tamén potencia a colaboración entre os usuarios para acadar un fin común.

A asignación de tarefas e os plans de traballo personalizados axudan a desenvolver a honestidade do alumno á hora de realizar o seu traballo.

Para que serve Agueiro

Para que o alumnado rexistre as evidencias ou mostras do seu aprendizaxe e así poder avaliar os seus progresos dun xeito continuado.
Para que o profesorado estea sempre informado sobre o nivel de competencia que vai adquirindo cada alumno/a durante o seu proceso de aprendizaxe.
Para crear e favorecer un entorno de aprendizaxe nun contexto dixital, diferente ás aulas tradicionais.
Para que o alumnado poida compartir cos demáis as súas experiencias de aprendizaxe.

Última modificación: martes, 18 de outubro de 2022, 6:42 PM