1.2 Como iniciar unha sesión en GNOME
Como iniciar unha sesión en GNOME |
 |
Iniciar sesión en GNOME
Unha vez que arrancou o sistema co escritorio por defecto XFCE, o usuario pode cambiar o entorno de traballo iniciando unha nova sesión co escritorio GNOME de forma sinxela e rápida. Básicamente o procedemento consiste en dous pasos:
- O usuario remata a sesión actual con XFCE
- O usuario inicia unha nova sesión con GNOME
Despois de pulsar o botón "Aplicativos" e seleccionar a opción "Rematar a sesión", aparece un recadro que nos permite finalizar a sesión actual facendo clic sobre o botón "Rematar a sesión".
No seguinte paso o sistema pediranos que iniciemos unha nova sesión de usuario, onde os datos que debemos introducir e seleccionar serán os seguintes, no caso de que usemos o usuario por defecto do sistema:
SELECCIÓN DO ESCRITORIO
Seleccionamos o novo escritorio, na esquina superior dereita da pantalla:
- Pulsamos sobre o icono de selección de escritorio e marcamos (facendo clic) a opción GNOME
DATOS DE USUARIO DO SISTEMA
Introducimos os datos de usuario do sistema, no recadro de login:
- Nome de usuario = usuario
- Contrasinal = usuario
Finalmente pulsamos o botón “Log in” para iniciar a nova sesión co novo entorno de escritorio.
Cando se inicia o escritorio GNOME podemos comprobar que a barra de tarefas (TaskBar) de cor negra sitúase na parte superior da pantalla e contén o menú "Actividades".
Escritorio GNOME
Cando pulsamos sobre o menú "Actividades" comprobamos que se oscurece a pantalla e móstrase automáticamente o recadro do buscador, que nos permite escribir para localizar calquera ficheiro, cartafol ou aplicación instalada no sistema.
Ademáis, observamos tamén que no lateral esquerdo da pantalla, en vertical, móstrase o panel de iconos (Dash) que contén os lanzadores aos aplicativos de uso máis habitual. Inicialmente este panel de iconos (Dash) contén os lanzadores de Firefox, Ficheiros, OpenBoard e o botón (recadro de puntos) que da acceso a todos os demáis aplicativos instalados no sistema.
Escritorio GNOME (modo oscuro)
|