Documentación para a formación avanzada EDIXGAL

Aplicación do docente e o cliente do alumno

Que é Epoptes

Epoptes (que en grego antigo significa "supervisor") é unha aplicación de software libre para a xestión e monitorización de aulas de ordenadores, especialmente deseñada para entornos educativos, que permite a un profesor tomar o control da aula para realizar demostracións aos estudantes.

Os principais obxectivos do emprego desta ferramenta son:

• No equipo do docente poderanse previsualizar todos os escritorios dos equipos dos alumnos
• Poderanse realizar accións de maneira masiva ou para equipos puntuais, tales como:
  • Bloquear os equipos, mostrando nas pantallas afectadas un cadeado o cal non permite o uso do equipo
  • Enviar unha mensaxes aos alumnos
  • Opcións de control de enerxía (apagar, reiniciar)
  • Visualizar a actividade dun alumno nun momento dado, así como tomar o control do mesmo. Movendo o rato e escribindo no equipo remoto
• Creación de grupos de traballo coa finalidade de ter unha contorna organizada e que nos permitirá poñer un alcume a cada un dos equipos para a súa fácil localización

O software no equipo do docente (servidor)

Para iniciar o software Epoptes profesor, dirixímonos ao menú "Menú de aplicativos - Internet - Epoptes Profesor"

Cando iniciamos esta aplicación abrirase un panel con tres áreas de traballo delimitadas:

• Barra de accións
• Columna de grupos
• Area de escritorios de clientes

A comunicación entre o equipo do alumno e o do profesor realízase de forma segura mediante un sistema de chaves publico/privadas para evitar a interceptación de datos e que outro equipo ou persoa allea á clase puidese tomar o control do equipo do alumno.

O cliente instalado nos equipos dos alumnos (Epoptes alumno) 

A hora de lanzar o aplicativo, habería que desprazarse ao menú "Internet - Epoptes Alumno"

A continuación pediráselle ao alumno que introduza os dous últimos octetos ou numeracións delimitadas por puntos da dirección IP do equipo do docente. Despois de introducir esta información e pulsar "Aceptar" este equipo xa se mostrará no panel de administración do equipo do docente.