Incidencias: Encerado Dixital Interactivo
Encerado Dixital Interactivo |
INCIDENCIAS MÁIS COMÚNS E COMO RESOLVELAS
INCIDENCIA: A imaxe proxectada é borrosa e/ou non ocupa a totalidade da pantalla.
POSIBLE CAUSA: problemas no proxector
PASOS A SEGUIR: Axustar a posición, configuración, zoom e foco do videoproxector.
Axustar a configuración de resolución de vídeo do ordenador: debes asegurarte de que a configuración de resolución do proxector e o ordenador sexan
iguais. Define no proxector a resolución óptima para a imaxe según as instrucións que aparecen no manual do proxector. Logo, define a resolución do ordenador no mesmo valor.
Como norma xeral, unha resolución válida e óptima tanto para o ordenador
como para o videoproxector será 1024 x 768 ppp
INCIDENCIA: O punteiro volve rapidamente a unha determinada posición.
POSIBLE CAUSA: un obxecto golpeou o encerado dixital causando unha depresión permanente na lámina frontal.
PASOS A SEGUIR: Os danos causados por golpes non están cubertos xeralmente nas garantías. Para ver a cobertura específica do equipamento da aula consulta co soporte Premium.
INCIDENCIA: Falta de precisión do punteiro.
POSIBLE CAUSA: pantalla mal calibrada
PASOS A SEGUIR: Calibra a pantalla interactiva e se é preciso realiza esta calibración máis dunha vez.
INCIDENCIA: O punteiro móvese dun xeito errático ou o trazo do rotulador non é continuo.
Tamén pode ocorrer que o trazo non responda axeitadamente e a resposta táctil sexa tal mala que non sexa
posible controlala.
POSIBLE CAUSA: Hai diferentes posibles causas:
1. A tensión USB do ordenador ou do cable USB non é suficiente para alimentar a pantalla interactiva de modo confiable.
2. É posible que a pantalla interactiva non responda a causa dunha descarga electrostática, un esvaecemento de corrente ou algún outro evento.
3. A tarxeta controladora da pizarra dixital (situada na parte posterior) está danada ou defectuosa.
PASOS A SEGUIR:
1. Comproba o funcionamento dos portos USB do ordenador. Conecta o cable USB a outro porto do portátil.
2. Proba con outro cable USB en bo estado e coa lonxitude estándar establecida polo fabricante. En calquera caso, a lonxitude do cable USB nunca debe ser superior a 5 metros.
3. Se a pantalla interactiva presenta un comportamento errático debido a unha descarga de enerxía estática ou esvaecemento de corrente, poderás restaurar o seu funcionamento normal restablecendo a pantalla. Para facelo desconecta a alimentración eléctrica e/ou o cable USB da pizarra (según os modelos) e volve a conectalos. Ó apagarse a pantalla vólvense a restablecer todos os compoñentes da mesma.
4. Se os fallos continúan é posible que na parede onde está colocada a pizarra existan interferencias electromagnéticas debido a cableado eléctrico interno con pouca protección ou coa protección danada.
INCIDENCIA: O encerado perde conexión co portátil de forma aleatoria e inesperada.
POSIBLE CAUSA: a comunicación entre o encerado e o portátil é defectuosa.
PASOS A SEGUIR: Substitúe o cable USB por outro máis curto.
Nunca alargar o cable cun prolongador común (sen alimentación).
Comprobar o correcto funcionamento dos portos USB do ordenador, conectando o cable USB a outro(s) porto(s)
do ordenador portátil.
INCIDENCIA: O equipo detecta o encerado, pero éste non responde ás pulsacións sobre a súa superficie.
POSIBLE CAUSA: A tarxeta controladora (situada na parte posterior) está en mal estado
PASOS A SEGUIR: unha vez descartadas outras causas, debes notificar esta incidencia ao soporte Premium.
|