Documentación para a formación de coordinadores EDIXGAL

O espazo "E-Dixgal" en EspazoAbalar

O espazo E-Dixgal

Está á disposición de todos os usuarios o espazo "E-Dixgal" no portal EspazoAbalar, onde podemos atopar moita información sobre o proxecto e tamén acceder ás novas que periódicamente se van publicando sobre E-Dixgal.

O espazo E-Dixgal é un portal web en constante evolución que actualmente conta coas seguintes seccións:

• Listado de centros E-Dixgal, onde podemos consultar a lista completa e actualizada dos centros educativos que actualmente participan no proxecto, ordenados por provincias.

• Equipamento alumnado. Unha sección adicada ao dispositivo do alumno, con información sobre o seu uso e as normas básicas de utilización. Desde aqui tamén se pode ver e descargar o folleto informativo que se lles entrega ás familias con este equipamento. 

• Equipamento aula dixital. Neste apartado descríbense todos os elementos que podemos atopar nunha aula do proxecto EDIXGAL, indicando as características básicas de cada un deles.

• Soporte Premium. O soporte Premium é servizo de asistencia técnica e resolución de incidencias, específico para o proxecto EDIXGAL. Aqui atoparemos unha descrición do tipo de asistencia que aporta en cada caso, así como os datos de contacto e a relación dos Puntos Físicos de Atención Especializada distribuídos por todo o territorio galego.

• Entorno Virtual de Aprendizaxe. Esta sección está adicada ás plataformas onlie e offline que constitúen o entorno virtual de aprendizaxe EVA.

• Formación. Acceso ás propostas formativas sobre EDIXGAL do servizo de formación do profesorado.

• Novas de actualidade. Un apartado onde se publican todas as novidades que van aparecendo sobre o proxecto, así como comunicados de novas funcionalidades e actualizacións.

https://www.edu.xunta.es/espazoAbalar/espazo/e-dixgal

Este portal permite suscribirse ás novidades para recibir un aviso cada vez que se publique algunha nova. A suscrición ao canal RSS pode facerse utilizando o navegador (se o teu navegador permite marcadores dinámicos) ou tamén desde un cliente de correo electrónico.