7.3. Restaurar unha copia de seguranza
Restaurar unha copia de seguranza
|
 |
Como se restaura unha copia de seguranza
Despois de pulsar sobre a opción "Restaurar", na primeira pantalla que aparece pídenos que subamos á plataforma o ficheiro que contén a nosa copia de seguranza. Este ficheiro debe ter o formato correcto e a extensión ".mbz".
Despois de subir o ficheiro, a seguinte pantalla preséntanos un resumen dos elementos (recursos, contidos, actividades, ...) que contén esta copia de seguranza, indicando ademais os detalles de cada elemento.
O seguinte paso será seleccionar algunha destes 3 opcións:
- Restaurar como materia nova
- Restaurar nesta materia
- Restaurar nunha materia existente
 |
 |
 |
Despois de seleccionar unha das opcións anteriores, móstranse unha serie de pantallas onde se nos informa do contido da copia de seguranza que estamos a punto de restaurar. Aceptaremos todas esas pantallas informativas e finalmente a aplicación móstranos unha conta atrás, de maneira que ao finalizar comenzará automaticamente a restauración.
O tempo desta conta atrás dependerá da saturación que exista na plataforma, pero normalmente non é superior a uns poucos minutos ou incluso uns poucos segundos.
En calquera caso, cando a petición de restauración xa foi lanzada o procedemento pasa a ser totalmente automatizado (en modo desatendido para o usuario), polo que o usuario (sempre será un profesor/a) poderá pechar esta pantalla se non desexa esperar a que remate a conta atrás.
Independentemente do tempo que tarde a restauración, o profesor/a sempre recibirá un aviso no seu correo electrónico corporativo (@edu.xunta.es) indicando cando rematou a restauración. Ademais, se o usuario decidiu esperar a que rematase a conta atrás, poderá ver un aviso en pantalla que lle informa da finalización da restauración.
|
|
|