1. Configurar a conta de correo "edu.xunta.gal"
Configurar a conta de correo "@edu.xunta.gal" |
 |
Iniciar o cliente Thunderbird
O cliente de correo Thunderbird xa está instalado na maqueta Abalar libre, polo que únicamente debemos configuralo cos nosos datos para poder usalo.
Para inciciar Thunderbird debemos ir ao menú:
"Aplicativos - Internet - Cliente de correo Thunderbird"
Configurar a conta de correo
A configuración da nosa conta de correo "@edu.xunta.gal" en Thunderbird é un proceso moi sinxelo que consiste básicamente nos seguintes 3 pasos.
1º paso
Cando iniciamos por primeira vez Thunderbird aparécenos a seguinte pantalla onde nos pide os datos da nosa conta de correo:
- O noso nome
Mostrarase como "remitente" nos correos enviados por nós. - Enderezo de correo
O noso enderezo de correo electrónico corporativo, co formato "usuario@edu.xunta.gal" - Contrasinal
O contrasinal da conta de correo.
Se non marcamos a opción "Lembrar contrasinal", o cliente Thunderbird pediranos o contrasinal cada vez que consultemos/enviemos correo, polo contrario, se marcamos a opción de lembrar o contrasinal, non volverá a pedirnos o contrasinal.
Despois de introducir esta información podemos pulsar o botón “Continuar” para que Thunderbird intente realizar o resto da configuración de forma automática.
No caso das contas de correo corporativas “@edu.xunta.gal”, habitualmente Thunderbird non é capaz de completar automáticamente o resto da configuración necesaria, e avísanos cunha mensaxe tal como se pode ver na seguinte imaxe.
Neste caso, debemos introducir manualmente algúns datos adicionais.
2º paso
Os datos que debemos completar, debaixo do recadro de aviso, son os seguintes:
| Protocol: | IMAP | SMTP | |
| Server: | imap.edu.xunta.gal | smtp.edu.xunta.gal | |
| Port: | 993 | 587 | |
| SSL: | SSL/TLS | STARTTLS | |
| Autenticación: | Detectar automáticamente | Detectar automáticamente | |
| Nome de usuario: | (o teu enderezo de correo) | (o teu enderezo de correo) | |
Podemos ver esta mesma configuración xa realizada na seguinte imaxe:
Cando xa temos todos os datos introducidos correctamente, pulsaremos o botón "Volver a probar" que aparece na parte inferior desta mesma pantalla de configuración.
3º paso
Se todos os datos introducidos son correctos, Thunderbird devolverá a seguinte mensaxe despois de probar de novo.
Por último, só nos queda pulsar o botón "Feito" que se mostra na parte inferior da pantalla.
Cliente de correo Thunderbird |
|