Información

O Portal educativo publica a resolución de 29 de outubro de 2020, da Dirección Xeral de Centros e Recursos Humanos, relativa á convocatoria do II Concurso de Podcasts - Radio na biblio en colaboración coa CRTVG (Radio Galega). A convocatoria estaba destinada a centros públicos non universitarios de titularidade da Consellería de Cultura, Educación e Universidade que traballan a radio como ferramenta pedagóxica, integrados ou non no programa Radio na biblio. Esta proposta está vinculada á celebración do Día das Letras Galegas, dedicado este ano ao filólogo, mestre e escritor Ricardo Carvalho Calero.

Os podcasts seleccionados serán difundidos pola Radio Galega a través da  páxina do Diario Cultural; así mesmo, serán difundidos a través dos medios web da Consellería de Cultura, Educación e Universidade.

• PUBLICACIÓN NO PORTAL EDUCATIVO
• TEXTO DA RESOLUCIÓN

A experiencia dun bo número de bibliotecas vinculadas ao programa "Radio na biblio" durante o período de cese da actividade presencial nos centros durante a primavera de 2020, por mor da COVID-19, puxo de manifesto as posibilidades desta ferramenta para desenvolver actividades educativas a distancia, con capacidade para vincular ao alumnado ao ámbito educativo e para conectar á comunidade escolar arredor dunha proposta temática. A radio foi unha ferramenta pedagóxica de gran alcance capaz de xerar unha importante dinámica de comunicación, de apoio aos proxectos, de difusión de produtos culturais e das investigacións elaboradas polo alumnado. A situación vivida facilitou, a través do programa, a educación para a competencia en información e medios tanto para o alumnado como para as súas familias.

A Radio na biblio transformouse no espazo de encontro da comunidade educativa, o lugar no que escoitarse, no que poñer en común o traballo feito na casa, no que falar ...

De entre todas as marabillosas experiencias deste periodo, seleccionamos oito que ofrecen unha variedade de recursos e propostas do que se pode facer en tempos complexos, mesmo poñer en marcha a emisora.

•   DÍPTICO RADIO NA BIBLIO EMITE... DENDE A CASA 

O prazo de presentación de solicitudes remata o 9 de outubro de 2020. 

• TEXTO DA CONVOCATORIA 
• ANEXO I. SOLICITUDE
• ENDEREZO DE PRESENTACIÓN DA SOLICITUDE

Con data 13 de febreiro de 2020, a Consellería de Educación, Universidade e Formación Profesional, a través da Dirección Xeral de Centros e Recursos Humanos, facía pública a convocatoria do II Concurso de Podcasts-Radio na biblio, en colaboración coa CRTVG (a través da Dirección da Radio Galega), co gallo da dedicación do Día das Letras Galegas de 2020 ao filólogo e escritor Ricardo Carvalho Calero, destinado aos centros públicos integrados no programa Radio na Biblio con extensión a outros centros de titularidade da consellería que traballan xa coa radio como ferramenta pedagóxica, co fin de estimular, por unha banda, a valoración da lingua galega e, por outra, reforzar a lectura de dous xéneros literarios aos que Carvalho Calero dedicou parte da súa obra: a poesía e o teatro. O prazo de presentación de traballos remataba o 25 de abril.

Aínda que moitas emisoras vinculadas a "Radio na biblio" estiveron activas nesta primavera estraña de 2020 (tempos de pandemia, confinamento e aprendizaxe non presencial), tamén outras moitas viron paralizadas as súas posibilidades de intervención co alumnado.

Por outra banda, e nesta situación provocada pola COVID-19, a Real Academia da Lingua Galega comunicou o traslado ao día 31 de outubro de 2020  do Pleno do día das Letras Galegas adicado ao citado autor, e tamén pospuxo diferentes actos presenciais á volta do verán, prolongando, deste xeito, a celebración do ano Carvalho Calero ao longo do último cuadrimestre do 2020.

Co fin de facilitar a posibilidade de participación no II concurso de podcasts "Radio na biblio", convocado en colaboración coa CRTVG (Radio Galega), con temática vinculada á celebración das Letras Galegas 2020 en honra de Ricardo Carvalho Calero, amplíase o prazo para a presentación de traballos ao II Concurso de podcasts "Radio na biblio" ao vindeiro 10 de outubro.

• PUBLICACIÓN NO PORTAL EDUCATIVO
  

O Portal Educativo publica a convocatoria do II Concurso de Podcasts - Radio na Biblio. A Dirección Xeral de Centros e Recursos Humanos convoca con data de 13 de febreiro de 2020 (coincidindo co Día Mundial da Radio), o  II  Concurso de Podcasts - Radio na Biblio en colaboración coa Radio Galega (CRTVG). Poderán participar os centros públicos non universitarios de titularidade da Consellería de Educación, Universidade e Formación Profesional, integrados ou non no programa Radio na Biblio. Esta proposta está vinculada á celebración do Día das Letras Galegas, dedicado este ano ao filólogo, mestre e escritor Ricardo Carvalho Calero. O prazo de presentación remata o 25 de abril de 2020.

• PUBLICACIÓN NO PORTAL
• TEXTO DA CONVOCATORIA
• Presentación do Concurso por parte da Conselleira de Educación, Universidade e formación Profesional na radio do CEIP P. San Bartolomé (Vilanova de Arousa)
• Presentación na web da CRTVG

Traballos seleccionados no I Concurso de Podcasts-Radio na Biblio no curso 2018-2019:

•  Modalidade I
•  Modalidade II
  
•  Modalidades II e IV
  

No ano 2013 a ONU aprobou a declaración da UNESCO do Día Mundial da Radio. Proponse a data do 13 de febreiro por ser a da creación da Radio Nacións Unidas no ano 1946. "Os obxectivos da xornada son concienciar ao público e aos medios de comunicación acerca da importancia da radio; alentar aos encargados de tomar decisións a crear e ofrecer acceso á información a través da radio; así como mellorar as redes e a cooperación internacional entre os organismos de radiodifusión." 

Este ano celébrase co lema: "Pluralismo, representación e diversidade"  xa que a radio é un medio de comunicación único para celebrar a diversidade humana e constitúe unha plataforma para o discurso democrático. Un lema en sintonia co das bibliotecas escolares para este curso "Biblioteca escolar, viveiro de cidadanía" e do valor inclusivo do programa Radio na Biblio.

Animamos aos 80 centros do programa Radio na Biblio a  celebrar esta xornada defendendo o pluralismo e a diversidade dende as súas emisoras.

Na imaxe o alumnado do CEP Brea Segade (Rianxo-A Coruña) 

Actividades das bibliotecas escolares:

• CEIP P. A Cristina (Carballo-A Coruña): Día Mundial da Radio
• CEIP P. de Carballedo (Cerdedo/Cotobade-Pontevedra):  Programa nº 15 de Cast@Radio - Conversa entre Tesla e Marconi
• CEIP de Celeiro (Viveiro-Lugo): Día Mundial da Radio
• CEIP Pena deFrancia (Mos-Pontevedra): Obradoiro de radio
• CEIP P. Ría do Burgo (Culleredo-A Coruña): Día da Radio
  
• CEIP de Seixo (Marín-Pontevedra): Feliz Día da Radio
  
• CEIP Virxe da Saleta (Cea-Ourense): Estrea de Radio Roxar - Ola Mundo
  

"... o instrumento perfecto para que o noso alumnado poida expresarse a través dos seus talentos" reflexión do profesorado do CPI Manuel Suárez Marquier (O Rosal-Pontevedra) sobre o valor inclusivo do programa Radio na Biblio. 

Neste 3 de decembro, Día Internacional das Persoas con Discapacidade queremos facer nosa esa reflexión  e pensar en como as bibliotecas escolares galegas deben ser espazos nos que o alumnado atope o seu sitio para traballar en proxectos comúns, espazos que integren a todas e todos, espazos que sexan auténticos viveiros de cidadanía.

Hai dous cursos, a Consellería de Educación, Universidade e Formación Profesional iniciou o programa Biblioteca Inclusiva, dentro do Plan LÍA 2016-2020 de Biblioteca Escolares. Este programa pretende avanzar cara a unha biblioteca que responda ás necesidades de todo o alumnado do centro e enfronte o reto da diversidade. Queda moito por facer, pero a inclusión e a diversidade é unha realidade nas nosas bibliotecas que chegou para quedarse.

Estos son algúns dos materiais do programa:

• Programa Biblioteca Inclusiva 
• Xornada de formación: Biblioteca Inclusiva. Lectura e Diversidade
• Xornada de formación: Biblioteca Inclusiva. Cidadanía na Diversidade
• Radio na Biblio informa: Biblioteca Inclusiva
• Maleta viaxeira: Lectura e Diversidade
• Maleta viaxeira: Por unha Biblioteca inclusiva

Actividades das bibliotecas escolares galegas neste 3 de decembro:

• CEIP P. A Cristina (Carballo-A Coruña):Tod@s distint@s, tod@s iguais ... pero ... tod@s importantes, tod@s especiais.
• CEIP P. Albino Núñez (Ourense): Día Internacional das Persoas con Discapacidade
  
• CEIP Anxo da Garda (A Coruña): Audiocontos
• CEIP Couceiro Freijomil (Pontedeume-A coruña): 3 de decembro, Día Internacional das Persoas con Discapacidade
• CEIP P. de Foz Nª1 (Foz-Lugo): Día Internacional das Persoas con Discapacidade
• CEIP Vicente Otero Valcárcel (Carral-A Coruña): Leo por Deporte-Paraolimpíadas, 3 de decembro, Fondos biblioteca inclusiva
• CEIP P. Víctor López Seoane (A Coruña): Día internacional das persoas con discapacidade
  
• CEIP Pena de Francia (Mos-Pontevedra): Aprendendo das diferentes capacidades
• CPI Manuel Suárez Marquier (O Rosal-Pontevedra): A Voz da Mata, instrumento de inclusión
  
• EEI Barrionovo (Arteixo-A Coruña):EncontXo Diversidade
  
• IES Universidade Laboral (Culleredo-A Coruña): Ponte no seu lugar: Discapacidade e inclusión
  
• IES Xograr Afonso Gómez (Sarria-Lugo): 3 de deembro, Día das persoas con discapacidade

Na Xornada Biblioteca Inclusiva. Cidadanía na Diversidade, celebrada o pasado 15 de novembro na EGAP,  presentouse un tríptico que achega o valor inclusivo do programa Radio na Biblio. Este documento recolle as opinións de profesorado, alumnado e familias que reflicten o valor da radio como unha ferramenta de inclusión. A radio proporciona múltiples oportunidades para o desenvolvemneto de competencias clave a través de tarefas complexas que involucran diversas habilidades e destrezas, un espazo que permite ao alumnado desenvolver os seus talentos e capacidades.

• TRÍPTICO RADIO NA BIBLIO

O Portal Educativo publica a Resolución de 7 de outubro de 2019, da Dirección Xeral de Centros e Recursos Humanos pola que se relacionan os centros de nova incorporación ao programa RADIO NA BIBLIO para o curso 2019/2020, unha ver resolta a convocatoria publicada con data de 3 de setembro de 2019. Tamén se detallan os centros  integrados en convocatorias anteriores  e que solicitaron continuidade. Desta forma, aparecen incluídos neste programa un total de 80 centros con alumnado de ensino infantil, primaria, ESO, bacharelato ou formación profesional e pertencentes ao Plan de mellora de bibliotecas escolares no actual curso 2019/2020 . 

• PUBLICACIÓN NO PORTAL EDUCATIVO
  
• TEXTO DA RESOLUCIÓN

 Estos son os dous podcasts seleccionados na Modalidade I, alumnado de Educación Infantil e 1º e 2º de Educación Primaria, entre os quince presentados, pola súa orixinalidade e calidade sonnora e de contido. Traballos  de investigacón arredor dunha lenda local e da orixe do nome do concello:

 CEIP DE CARBALLEDO (Cerdedo-Cotobade/Pontevedra)

- Biblio Carballedo 

- Cast@_Radio

- Memoria da actividade

- Podcast: "A lenda de Florentina, a rapaza que morreu de amor"

                                                                                                                       CEIP VÍCTOR SÁENZ  (Mazaricos-A Coruña)

                                                                                                                        - Biblioteca Escolar Víctor Sáenz

                                                                                                                        -  Radio Rosiña

                                                                                                                        -  Escaleta " O mazarico"

                                                                                                                        -  Podcast "O Mazarico"

                                                                                                                        -  Entrevista no Diario Cultural

O Portal Educativo publica a convocatoria do I Concurso de Podcasts - Radio na Biblio. A Dirección Xeral de Centros e Recursos Humanos convoca con data 2 de abril de 2019, o I Concurso de Podcasts - Radio na Biblio, destinado a centros públicos non universitarios de titularidade da Consellería de Educación, Universidade e Formación Profesional, en colaboración coa Radio Galega (CRTVG), no contexto do Plan LIA de Bibliotecas Escolares (Lectura, Información e Aprendizaxe).

• PUBLICACIÓN NO PORTAL 
• TEXTO DA CONVOCATORIA

No ano 2013 a ONU aprobou a proclamación da UNESCO do Día Mundial da Radio. Proponse a data do 13 de febreiro por ser a da creación de Radio Nacións Unidas no ano 1946. "Os obxectivos da xornada son concienciar ao público e aos medios de comunicación acerca da importancia da radio; alentar aos encargados de tomar decisións a crear e ofrecer acceso á información a través da radio; así como mellorar as redes e a coperación internacional entre os organismos de radiodifusión."

Este ano celébrase co lema: "Diálogo, tolerancia e paz" e o poder da radio para promover o entendemento e as cominidades poderosas. Convocan un concurso  para participar cunha producción sonora de dous minutos arredor do tema deste ano.

Animamos a que participen os 50 centros que forman parte do programa de Radio na biblio e  todos aqueles que contan cunha emisora de radio. É un bo momento para difundir as experiencias que promoven o traballo colaborativo en ambientes de tolerancia, respecto e integración.

Na imaxe, os nenos e nenas do CEIP Plurilingüe de Carballedo (Cerdedo-Cotobade) entrevistando ao alcalde.

O Portal Educativo vén de publicar a Convocatoria da Dirección Xeral de Centros e Recursos Humanos, de 5 de setembro, pola que se convoca o proxecto RADIO NA BIBLIO para o curso 2018/2019. Esta acción, iniciada en 2017, pretende introducir a radio nas bibliotecas escolares e vai destinada aos centros públicos integrados no PLAMBE no curso 2018/2019 que matriculan alumnado de educación infantil, primaria ou secundaria. Incorporaránse 30 novas bibliotecas escolares. Tamén poderán solicitar a súa continuidade no programa os 20 centros integrados a través da primeira convocatoria. 

• O prazo de presentación de solicitudes remata o 15 de outubro de 2018. 

•  TEXTO DA CONVOCATORIA DO PROGRAMA RADIO NA BIBLIO
• LIGAZÓN PARA O ENVÍO DA SOLICITUDE

• RESOLUCIÓN DA CONVOCATORIA: CENTROS SELECCIONADOS

O programa RADIO NA BIBLIO está dando xa os primeiros pasos nos 20 centros seleccionados nesta primeira convocatoria. Chéganos noticia de inauguración de espazos xa preparados, de emisoras xa en marcha e de obradoiros nos propios centros (tal e como estaba previsto) para formarse alumnado e profesorado nos rudimentos para botar a andar cadanseu laboratorio de radio vinculado á biblioteca escolar.

Así, na páxina web do CEIP P. de Carballedo (Cotobade, Pontevedra) podemos ver a preparación dun recuncho do centro como emisora de radio, cun resultado fantástico. Imaxinamos á rapazada desexosa de traballar nese laboratorio de radio.

Tamén neste centro celebraron xa un obradoiro formativo con membros do colectivo PONTE NAS ONDAS, destinado ao alumnado e que podemos ver en detalle na información que subiron ao seu blogue de biblioteca.

Outro centro que está preparando xa o seu laboratorio de radio é o CRA de Meis (Meis, Pontevedra), tal e como anuncian no seu blogue. 

Realizaron tamén un primeiro obradoiro de formación foi o CEIP Agolada (Agolada, Pontevedra), desta vez co grupo Laboratorio de Radio, do que se poden ver imaxes nesta ligazón do seu blogue: Agolaín Radio. Pódese escoitar xa unha primeira emisión elaborada polo alumnado. 

Outros centros comezaron tamén a formación, desta vez con membros do colectivo Rede Espora, foron o CEIP Virxe do Carme, de Sober (Lugo), o CEIP Víctor Sáenz, de Mazaricos (A Coruña), o IES de Porto do Son, o CEIP Milladoiro, de Malpica (A Coruña)ou o CPI Manuel Suárez Marquier, de O Rosal (Pontevedra).

Este último  centro vén de convocar un concurso de ideas entre o seu alumnado para a elección dun nome e un logo específico para o seu laboratorio de radio. Pola súa parte, nenas e nenos do CEIP da Pobra de Brollón (A Pobra de Brollón, Lugo), visitaron como iniciación ao mundo da radio a emisora local da cadena Ser en Monforte, como podemos ver no seu blogue. E tamén irán de visita a unha radio local, neste caso a emisora Cope de Pontevedra, alumnos e alumnas de 5º curso do CEIP Valle-Inclán, de O Grove (Pontevedra), que xa teñen tamén os materiais para montar o seu laboratorio de radio, segundo informan no seu blogue. 

Ofrecemos, a continuación, diferentes imaxes do logo de Radio na Biblio para poder ser empregados tanto en contornas web como en documentos impresos.

Imaxes para a web

Imaxes para a web en diferentes tamaños:

Imaxe: 256px | Outros tamaños: 64px - 96px

Imaxes para documentos

Imaxes para impresión en documentos:

5 cm - 10 cm - 17 cm

Documento de exemplo cos diferentes tamaños: RB_print_modelos.pdf

Código HTML para crear un BLOQUE co logo de Radio na Biblio

Bloque centrado, imaxe con ligazón, tamaño: 96 x 96 píxeles:

Descarga de ficheiros

Pódense descargar todos os ficheiros desde a seguinte ligazón: DESCARGAR ZIP

O Portal Educativo publica hoxe a Resolución do 17 de novembro de 2017, da D.X. de Centros e Recursos Humanos, pola que se fai pública a relación de centros que se integran nesta primeira convocatoria do Proxecto "Radio na biblio", durante o curso 2017/2018, unha iniciativa destinada a introducir un laboratorio de radio vinculado á biblioteca escolar en centros que forman parte do Plan de mellora de bibliotecas escolares. 

"Radio na biblio" pretende contribuír ao desenvolvemento do modelo de biblioteca cara a "centros creativos de aprendizaxes" e promover a creación de emisoras/laboratorios de radio no contexto destas bibliotecas. Pode axudar, así mesmo, a ampliar as linguaxes presentes na biblioteca, promover a expresión oral, a alfabetización múltipel e o traballo colaborativo de profesorado e alumnado. Cando a biblioteca incorpora un laboratorio de radio pode impulsar novos proxectos de carácter interdisciplinario, vinculados á educación para as competencias en información e medios. O laboratorio de radio, na biblioteca escolar, poderá estár asociado a un programa de voluntariado na biblioteca.

• PUBLICACIÓN NO PORTAL EDUCATIVO
• TEXTO DA RESOLUCIÓN. RELACIÓN DE CENTROS SELECCIONADOS

• RECURSOS

O Portal Educativo publica a convocatoria da Dirección Xeral de Centros e RRHH, de 17 de outubro de 2017, pola que se elixirán 20 centros integrados que teñan interese en introducir a radio na súa biblioteca escolar. Poden participar centros que acollen alumnado de infantil, primaria, secundaria, bacharelato ou formación profesional e que estean integrados no Plan de mellora de bibliotecas escolares no presente curso 2017/2018. 

Es proxecto piloto "RADIO NA BIBLIO" pretende estimular o desenvolvemento do modelo de biblioteca cara a "centros creativos de aprendizaxes" e promover a creación de emisoras/laboratorios de radio nas bibliotecas escolares, co fin de favorecer e apoiar proxectos de educación das competencias informacionais e mediáticas do alumnado. Búscase, así mesmo, ampliar as linguaxes presentes na biblioteca, promover a expresión oral, a alfabetización múltiple e o traballo colaborativo de profesorado e alumnado. O laboratorio de radio na biblioteca escolar poderá estar asociado a un programa de voluntariado na biblioteca. 

Para a selección dos centros terase en conta a actividade da biblioteca escolar no curso precedente, así como a prioridade dos centros localizados en concellos de ámbito rural, procurando unha distribución equilibrada polo territorio galego. Estes centros recibirán contías destinadas á posta en marcha do proxecto e das actuacións que supoña, incluída a realización dun obradoiro de formación para o alumnado que se considere. O prazo de presentación de solicitudes remata o 31 de outubro. 

• Publicación no portal educativo
  
• Texto da convocatoria
• URL de acceso para solicitudes
  

Imaxe que ilustra esta entrada está tomada do blogue do CEIP A Lama (A Lama, Pontevedra), un centro pioneiro na inclusión dun "Laboratorio de comunicación" para a formación do seu alumnado en competencia mediática e informacional.