O calendario civil continúa o seu andar e xa está chamando á porta o 8 de marzo, Día Internacional da Muller, unha das datas claves para avanzar na educación para igualdade, na formación de cidadáns e cidadás na procura dunha sociedade máis xusta. As bibliotecas escolares achegan recursos e fan propostas de actividades, lideran iniciativas que permitan aos nenos e ás nenas, a mozas e mozos coñecer o mundo no que viven, coñecer a presenza da muller nos distintos ámbitos do saber e nos distintos momentos da historia. E sobre todo, re-coñecer a importancia e a influencia do traballo da muller nos diferentes ámbitos sociais do mundo no que eles viven e medran.
Algúns exemplos poden servir para ver a intensa actividade das bibliotecas escolares galegas nestes días previos ao 8 de marzo:
- CEIP Frián-Teis (Vigo): Día da Muller Traballadora
- CEIP Santiago Apóstolo (Mugardos): Enquisa Día da Muller Traballadora
- CPI O Progreso (Catoira): Lecturas para un 8 de marzo
- EEI Barrionovo (Arteixo): Encontro de mulleres
- IES Lagoa de Antela (Xinzo de Limia): 8 de Marzo
- IES Losada Diéguez (A Estrada): 8 de marzo, Día da Muller Traballadora
- IES Marqués de Sargadelos (Cervo): As mulleres na Real Academia Galega
- IES Ríio Cabe (Monforte de Lemos): 8 de marzo, día da Muller
Un exemplo de programación moi sintetizada desde o CPI Vicente Otero Valcárce, de Carral: Para celebrar o 8 de marzo a nosa biblio propón un traballo de investigación ( e así poder practicar como utilizar efectivamente os buscadores). Fixemos unha recopilación de mulleres que destacaron, ou destacan, por diferentes motivos. adxudicamos unha a cada grupo. O alumnado fará un traballo de investigación e redactará unha biografía, incluíndo, de ser posible, unha fotografía. Unha selección dos traballos presentados servirá para que fagamos un libro que levará por título "Mulleres públicas" (traballando tamén a linguaxe sexista), e que pasará a formar parte dos fondos de producción propia. Ademáis Recibiremos a visita de đúas mulleres, empresaria e cociñeira, que nos contarán a súa experiencia.
Outros recursos:
