Dende 1997 celébrase o Día das Bibliotecas o 24 de outubro, unha conmemoración impulsada pola Asociación de Amigos del Libro Infantil y Juvenil á que se foron sumando, xa dende hai algún tempo, o propio Ministerio de Cultura e todas as administracións autonómicas.
A Dirección Xeral do Libro, o Cómic e a Lectura, a través da Subdirección Xeral de Coordinación Bibliotecaria, impulsa a celebración do Día das Bibliotecas, este 24 de outubro de 2023.
O lema deste ano, "Por un futuro sostible", pretende destacar o papel fundamental que desempeñan todas as tipoloxías de bibliotecas (públicas, escolares, universitarias, especializadas e nacionais/rexionais) na consecución dos Obxectivos de Desenvolvemento Sostible da Axenda 2030.
A través das súas coleccións, servizos e actividades con usuarios, as bibliotecas contribúen a construír unha sociedade cada vez mellor informada, máis igualitaria, solidaria e xusta, plenamente consciente da necesidade de levar un modo de vida sostible como compromiso coas xeracións futuras.
As bibliotecas escolares galegas amosáronse, e continúan facéndoo, como unha ferramenta ao servizo da comunidade educativa ofrecendo recursos, información e apoio, lugares que contribúen á formación dunha cidadanía crítica, activa e comprometida. O seu traballo de deseño e planificación de actividades e servizos desenvólvese cunha perspectiva de Axenda 20230 poñendo o foco en que ninguén das nosas comunidades educativas debe quedar atrás.
A biblioteca escolar, esa biblioteca pola que pasan todas as nenas e todos os nenos do país, a primeira biblioteca que lles aprende, tamén, a usar outras, que os pon en contacto con eses outros espazos do coñecemento e do lecer, eses lugares nos que pasan moitas cousas, que son as bibliotecas públicas, eses lugares que están sempre ao noso carón: as BIBLIOTECAS.
- DIA DA BIBLIOTECA ESCOLAR (ASOCIACIÓN AMIGOS DEL LIBRO INFANTIL Y JUVENIL)
#DíaDasBibliotecas #Porunfuturosostible
Actividades nas bibliotecas escolares de Galicia:
- CEIP Bergantiños (Carballo-A Coruña): Día das Bibliotecas
- CEIP P. de Covas (Viveiro-Lugo): Presentación do PDI "Florece Covasmola", Flor de Loto Azul
- CEIP Emilia Pardo Bazán (A Coruña): A amizade nun libro
- CEIP P. Irmáns Villar (Ourense): Reparto das mochilas viaxeiras
- CEIP Javier Sensat (Vigo-Pontevedra): Día das Bibliotecas no Sensat
- CEIP Leirado (Salvaterra de Miño-Pontevedra): Formación de usuarios, Mochilas viaxeiras
- CEIP Milladoiro (Malpica de Bergantiños-A Coruña): Día das Bibliotecas 2024: BE-LeoLab Milladoiro
- CEIP NIcolás del Río (Cedeira-A Coruña): Día das Bibliotecas
- CEIP P. Monte Baliño (Ferreira de Pantón-Lugo): Día das Bibliotecas 2024
- CEIP P. Montemogos (Bueu-Pontevedra): Representación teatral
- CEIP Ponte dos Brozos (Arteixo-A Coruña): Festexando o Día das Bibliotecas Escolares!
- CEIP de Seixalbo (Ourense): Día das Bibliotecas
- CEIP Valle Inclán (O Grove-Pontevedra): Xornada de Portas Abertas
- CEIP Víctor López Seoane (A Coruña): Apertura da biblioteca
- Escola de Conservaión e Restauración de Bens Culturais de Galicia (Pontevedra): Catálogo
- EEI San Roque (Viveiro-Lugo): Teatro de sombras!!!, nun monte?
- IES Concepción Arenal (Ferrol.A coruña): Actividades, Especial cine
- IES Fernando Esquío (Neda-A Coruña): No Día das Bibliotecas Escolares falamos de...
- IES Gregorio Fernández (Sarria-Lugo): Celebramos o Día das Bibliotecas
- IES Maximino Romero de Lema (Zas-A Coruña): Xogo de adiviñas literarias, Entrega diplomas voluntariado, Entrega premios
- IES Pazo da mercé (As Neves-Pontevedra): KNOLLING literarios
- IES Poeta Díaz Castro (Guitiriz-Lugo): Da música tradicional ao trap
- IES San Paio (Tui-Pontevedra): Estreamos biblioteca!, Cando as bibliotecas son oasis de cultura e paz..., Por un futuro sostible, Textos sobre bibliotecas
- IES Xesús Taboada Chivite (Verín-Ourense): 24 de outubro-Día das Bibliotecas
