O Día das Escritoras é unha iniciativa promovida pola Biblioteca Nacional de España en colaboración coa Federación Española de Mujeres Directivas, Ejecutivas, Profesionales y Empresarias (FEDEPE) e coa Asociación Clásicas y Modernas. Desde 2016 búscase reivindicar o labor e o legado das escritoras a través da historia.
Como en edicións anteriores, a data elexida é o luns máis cercano á festividade de Teresa de Jesús, o 15 de outubro. A VII Edición celébrase este ano 2022 o 17 de outubro baixo o lema “Antes, durante e despois das guerras”, comisariada pola escritora Carmen Domingo . “Un ano máis – avanza Ana Santos Aramburo, directora da BNE – recuperamos a palabra de mulleres escritoras que nos seus textos reflicten sentimentos, procuras e loitas. Mujeres valentes cuxa obra, en moitas ocasións, foi ignorada. Rescatar hoxe a súa voz é un acto de xustiza e recoñecemento cara a todas elas”. O lema deste ano, destaca, “é unha homenaxe ao papel fundamental que cumpriron en situacións de conflito bélico e axuda a reflexionar e contemplar con outros ollos unha situación de sufrimento, pero tamén de xenerosidade e compromiso”.
Desde as bibliotecas escolares propomos que se visibilice a obra das escritoras galegas, ben a través dunha exposición, ben lendo fragmentos nunha maratón literaria ou mesmo nos clubs de lectura ou a través de actividades de investigación, exploración ou creación...
Animamos a toda a comunidade educativa a participar nesta actividade que visbilizaremos a través desta páxina e nas redes sociais. #bescolaresgal #bescolaresgalabertas #DíaDasEscritoras
"Houbo unha vez unha guerra.
Despois da guerra, quedamos sen casa.
-Non importa -dixo miña nai-. Temos un coche.
Fomos vivir ao coche.
Desde entón, vivir era viaxar."
Paula Carballeira. O principio. (Kalandraka, 2012)
- TEXTOS SELECCIONADOS POR CARMEN DOMINGO
- SELECCIÓN DE TEXTOS DE ESCRITORAS GALEGAS (Colaboración de Pilar Sampredo, Anxos Rial e Xosé Mª Lores)
Actividades nas bibliotecas escolares de Galicia:
- CEIP Eduardo Pondal (Vigo-Pontevedra): Día das Escritoras
- CEIP Milladoiro (Malpica-A Coruña): NÓS... tamén escribimos!
- CEIP P: Monte Baliño (Pantón-Lugo): Día das Escritoras
- CEIP O Graxal (Cambre-A Coruña): Día das Escritoras-Paula Carballeira
- CEIP P. O Ruxidoiro (Barbadás-Ourense): Día das Mulleres Escritoras
- CEIP Pobra de Brollón (A Pobra de Brollón-Lugo): Día das Escritoras
- CEIP P. da Torre Cela (Bueu-Pontevedra): Día das Escritoras
- CEIP Vistahermosa (Ourense): Día das Escritoras (Formación de usuarios)
- CPI As Revoltas (Cabana de Bergantiños-A Coruña): Día das Escritoras
- CPI Virxe da Saleta (San Cristovo de Cea-Ourense): 17 de outubro. Día das Escritoras
- CPR P. Cristo Rey (Ferrol-A Coruña): As irmás Touza
- EEI Barrionovo (Arteixo-A Coruña): Día das Escritoras, Encontro con Sabela Fernández Trelles
- EOI Vilagarcía de Arousa (Vilagarcía de Arousa-Pontevedra): Día das Escritoras 2022 (Escolma de lecturas)
- iES Illa de Sarón (Xove-Lugo): Exposición de fondos
- IES Lamas de Castelo (Carnota-A Coruña): Día das Escritoras 2022
- IES Manuel Chamoso Lamas (O Carballiño-Ourense): Día das Escritoras
- IES Maximino Romero de Lema (Zas-A Coruña): Exposición Día das escritoras.
- IES Monte das Moas (A Coruña): Selección de escritoras en lingua galega do alumnado, Exposición traballo do alumnado.
- IES Monte da Vila (O Grove-Pontevedra): Recomendacións lectoras
- IES Pazo da mercé (As Neves-Pontevedra): Día das Escritoras 2022
- IES de Quiroga (Quiroga-lugo): Día das Escritoras
- IES Ramón Otero Pedrayo (Ourense): Día das Escritoras
- IES San Paio (Tui-Pontevedra): Dúas escritoras para o Día das Escritoras; Elas escribiron a guerra, nós lemos o que elas escribiron; 17 escritoras para o 17 de outubro.
