Enfrontamos o segundo trimestre dun curso cheo de incerteza no que as bibliotecas escolares galegas deron apuntalado actividades sistematizadas e a participación e colaboración da comunidade educativa.
É o caso da implicación das familias, esas que estiveron aí durante o cese da actividade presencial e que continúan agora, presencial ou virtualmente, coas súas lecturas, colaboracións, participando nos proxectos, na radio, nos clubs de lectura...
Os bos resultados desta vinculación levaron aos centros a buscar a situación máis axeitada para seguir procurando a súa complicidade e implicación nas propostas e actividades da biblioteca escolar.
Imaxe da biblioteca do CRA de Culleredo (A Coruña)
Participación das familias nas bibliotecas escolares galegas:
- CEIP A Cristina (Carballo-A Coruña): Novembro, Mes da Ciencia en Galego (experimentos dende a casa)
- CEIP P. A Rabadeira (Oleiros-A Coruña): Como vían o futuro os nosos maiores? Achegas das familias
- CEIP Bormoio-Agualada (Coristanco-A Coruña): Familias de conto
- CEIP P. de Chancelas (Poio-Pontevedra): FAMILIArízate coa BIBLIOTECA, As familias contan
- CEIP Graxal (Cambre-A Coruña): Protocolo covid (interpretado en lingua de signos por un pai), Familias lectoras
- CEIP do Hío (Cangas-Pontevedra): Os avós cantan e contan
- CEIP de Leirado (Salvaterra de Miño-Pontevedra): Volven as Horas de Ler con familias
- CEIP Mestre Martínez Alonso (Mos-Pontevedra): Escola de familias (Coñezo a biblioteca? e Fomento da lectura na casa)
- CEIP Nosa Señora de Xuvencos (Boborás-Ourense): Contacontos por parte das familias
- CEIP da Pobra do Brollón (A Pobra do Brollón-Lugo): Achegámonos á ciencia da micoloxía
- CEIP Saco e Arce (Toén-Ourense): Radio: O Nadal noutros tempos, As barcas do noso concello
- CEIP Torre-Cela (Bueu-Pontevedra): Neste Samaín temos moito que contARTE, Cantos de Nadal
- CEIP Vicente Otero Valcárcel (Carral-A Coruña): Radio: Entrevista aos maiores, Biblioteca das Persoas
- CEP Brea Segade (Rianxo-A Coruña): Mochilas viaxeiras-Mapa de xeografías lectoras
- CRA de Culleredo (Culleredo-A Coruña): As familias na biblioteca,, Obradoiro TIC en familia, Obradoiro de xogos de taboleiro, Obradoiro de apps educativas
- CRA Raíña Aragonta (Salceda de Caselas-Pontevedra): Familias lectoras
- EEI de Barrionovo (Arteixo-A Coruña): Croma "Virus Xacobeo" coas familias
