O 24 de outubro é unha data sinalada como Día da Biblioteca no Calendario do Libro e da Lectura que todos os anos vén publicando a Xunta de Galicia, e está salientado nas axendas de todos cantos traballan a prol das bibliotecas, o libro e a lectura, desde que hai máis de vinte anos a Asociación Española de Amigos do Libro Infantil y Juvenil propuxera a celebración deste día. Na actualidade, o Ministerio de Cultura edita todos os anos un cartel conmemorativo e un pregón, e propón actividades para a súa celebración, entre outros, a través do Observatorio de la Lectura y el Libro.
Desde outubro de 2008, a Consellería de Educación edita un cartel específico para celebrar este Día da Biblioteca tamén nas Bibliotecas Escolares, cun lema para dar a coñecer e difundir as múltiples oportunidades que ofrece unha biblioteca escolar activa, e que este ano foi interpretado pola ilustradora Nuria Díaz. Este fermoso cartel de 2018 xa está presente en todos os centros galegos para a celebración do 24 de outubro.
Comezan a chegar noticias sobre as múltiples actividades organizadas polas bibliotecas escolares galegas arredor desta xornada das que iremos dando conta en breve. Entre tanto, desde a D.X. de Centros e Recursos Humanos, a través da Asesoría de bibliotecas escolares, convócase un certame de materiais co gallo da celebración deste Día da Biblioteca. Trátase do concurso de ideas para a formación de persoas usuarias da biblioteca escolar, "XOGANDO COA CDU", aproveitando o cartel CDU ILUSTRADA, realizado por Óscar Villán e remitido aos centros a comezos deste curso 2018/2019.
Animamos a todos os equipos de biblioteca dos centros educativos galegos a deseñar e enviar, antes do 23 de novembro, unha actividade manipulativa ou proposta didáctica (en soporte analóxico ou virtual) para a formación do alumnado no uso dos recursos da biblioteca. Velaquí as BASES do concurso.
Así celebran algunhas das bibliotecas escolares este Día:
- CEE de Miño (Ourense)
- CEIP Albino Núñez (Ourense)
- CEIP Afonso D. Rodríguez Castelao (Vigo, Pontevedra)
- CEIP Apóstolo Santiago (Mugardos, A Coruña)
- CEIPP Camiño Inglés (Oroso, A Coruña)
- CEIP Canosa-Rus (Coristanco, A Coruña)
- CEIP de Carballedo (Cerdedo-Cotobade, Pontevedra)
- CEIP de Celeiro (Viveiro, Lugo)
- CEIP Couceiro Freijomil (Pontedeume, A Coruña)
- CEIP de Covas (Viveiro, Lugo)
- CEIP A Cristina (Carballo, A Coruña)
- CEIP Igrexa-Candeán (Vigo, Pontevedra)
- CEIP Igrexa-Chapela (Redondela, Pontevedra)
- CEIP Lamas de Abade (Santiago de Compostela, A Coruña)
- CEIP de Leirado (Salvaterra de Miño, Pontevedra)
- CEIP Nicolás del Río (Cedeira, A Coruña)
- CEIP de Oca (A Estrada, Pontevedra)
- CEIP Pena de Francia (Mos, Pontevedra)
- CEIP da Pobra do Brollón (A Pobra do Brollón, Lugo)
- CEIP Ponte dos Brozos (Arteixo, A Coruña)
- CEIP A Pontenova (A Pontenova, Lugo)
- CEIP de Ponte Sampaio (Pontevedra)
- CEIP de Quintela (Moaña, Pontevedra)
- CEIP Ramón de Valenzuela (Silleda, Pontevedra)
- CEIP Ramón Falcón (Castro de Rei, Lugo)
- CEIP Rogelio García Yáñez (Ramirás, Ourense)
- CEIP Rosalía de Castro (Padrón, A Coruña)
- CEIP Saco e Arce (Toén, Ourense)
- CEIP Sofía Casanova (Culleredo, A Coruña)
- CEIP As Solanas (A Guarda, Pontevedra)
- CEIP da Torre-Cela (Bueu, Pontevedra)
- CEIP Vicente Otero Valcárcel (Carral, A Coruña)
- CEIP Virxe do Carme (Burela, Lugo)
- CEIP Vistahermosa (Ourense)
- CEP Lois Tobío (Viveiro, Lugo)
- CEP Marcos da Portela (Pontevedra)
- CPI Antonio Orza Couto (Boqueixón, A Coruña)
- CPI da Cañiza (A Cañiza, Pontevedra)
- CPI Fonte-Díaz (Touro, A Coruña)
- CPI Dr López Suárez (Escairón, Lugo)
- CRA de Culleredo (Culleredo, A Coruña)
- EEI Barrionovo (Arteixo, A Coruña)
- EEI San Roque (Viveiro, Lugo)
- IES Concepción Arenal (Ferrol, A Coruña)
- IES Fernando Esquío ( Neda, A Coruña)
- IES Johan Carballeira (Bueu, Pontevedra)
- IES de Monelos (A Coruña)
- IES Pazo da Mercé (As Neves, Pontevedra)
- IES Ribeira do Louro ( O Porriño, Pontevedra)
- IES San Paio (Tui, Pontevedra): Alfabeto bibliotecario; Escritor@s biblioferid@s
- IES Xograr Afonso Gómez de Sarria (Sarria, Lugo)
